(જી.એન.એસ) તા. 19
દેવભૂમિ દ્વારકા,
દેવભૂમિ દ્વારકાના જામ ખંભાળીયામાંથી પોલીસ ને વાહન ચેકિંગ દરમિયાન નકલી CID અધિકારી ઝડપાયો છે. નકલી CID અધિકારી કાર પર લાલ લાઈટ-સાઈરન લગાવી રોફ જમાવતો હતો. પોલીસના વાહન ચેકિંગ દરમિયાન નકલી આઈકાર્ડ ચેક કરતાં સમગ્ર મામલે ભાંડો ફૂટ્યો હતો. આ મામલે પોલીસે નકલી CID અધિકારીને ઝડપી પાડી આગળની કાર્યવાહી હાથ ધરી છે. જામ ખંભાળીયામાં પોલીસના નાઈટ કોમ્બિંગ દરમિયાન ટોલનાકા પાસે વાહન ચેકિંગ કરતી વખતે દિગ્વિજયસિંહ પરમાર નામનો નકલી CID અધિકારી ઝડપાયો હતો. કાર પર લાલ લાઈટ-સાઈરન લગાવીને પોતાને CID અધિકારી જણાવતા વ્યક્તિ પાસેથી નકલી આઈકાર્ડ મળી આવ્યું હતું. જ્યારે પોલીસે આરોપીની કારમાં તપાસ કરતાં ઠંડા પીણાની બોટલમાંથી વિદેશી દારુ અને બિયરના ત્રણ ટીન પણ મળી આવ્યા હતા.
આ મામલે સૂત્રો દ્વારા મળતી માહિત મુજબ, પોલીસની તપાસ જાણવા મળ્યું હતું કે, નકલી CID અધિકારી બની લોકો સમક્ષ રોફ બતાવતો આરોપી દિગ્વિજયસિંહ અમદાવાદના ધોળકા તાલુકાના ગાંગડ ગામનો રહેવાસી હોવાનું સામે આવ્યું છે. પોલીસે આરોપીને ઝડપી પાડીને આગળની કાર્યવાહી હાથ ધરી છે. અગાઉ પણ આ પ્રકારે ખંભાળીયામાં નકલી અધિક કલેકટર ઝડપાયો હોવાનું સામે આવ્યું હતું.
This content is restricted to site members. If you are an existing user, please log in. New users may register below.
