(જી.એન.એસ) તા. 4
ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયા (ICAI) એ મંગળવાર 4 માર્ચના ચાર્ટર્ડ એકાઉન્ટન્સી (CA) ફાઉન્ડેશન કોર્સ જાન્યુઆરી 2025 ની પરીક્ષાનું પરિણામ જાહેર કર્યું છે. પરીક્ષા આપનારા ઉમેદવારો સત્તાવાર વેબસાઇટ icai.nic.in પર ICAI CA ફાઉન્ડેશનનું પરિણામ ચકાસી અને ડાઉનલોડ કરી શકે છે.
ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયા (ICAI) દ્વારા CA ફાઉન્ડેશન અને ઇન્ટરમીડિયેટ પરીક્ષાઓના પરિણામો જાહેર કર્યા છે. જાન્યુઆરી 2025 માં ICAI CA ફાઉન્ડેશન અને ઇન્ટરમીડિયેટ પરીક્ષા આપનારા ICAI CA ઉમેદવારો icai.org અને icai.nic.in પર તેમના પરિણામો ચકાસી શકે છે. આઇસીએઆઇ ઉમેદવારોએ સ્કોરકાર્ડ જોવા માટે તેમના નોંધણી નંબર, જન્મ તારીખ અને કેપ્ચા કોડનો ઉપયોગ કરવાનો રહેશે.
આ સાથે CA ઇન્ટરમીડિયેટ અને ફાઉન્ડેશન પરીક્ષાઓના પરિણામો સાથે ICAI જાન્યુઆરી 2025 માં લેવામાં આવેલી ઇન્ફોર્મેશન સિસ્ટમ્સ ઓડિટ (ISA) એસેસમેન્ટ ટેસ્ટના પરિણામો પણ જાહેર કરશે.
આ બાબતે મળતી માહિતી અનુસાર CA ફાઉન્ડેશન પરીક્ષામાં ઉમેદવારોએ પરીક્ષા માટે લાયક ગણવા માટે દરેક વિષયમાં ઓછામાં ઓછા 40 ગુણ અને એકંદરે 50 ટકા ગુણ મેળવવાના રહેશે. વધુમાં ICAI (ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયા) જાન્યુઆરી 2025 માં યોજાનારી CA ફાઉન્ડેશન પરીક્ષાના પરિણામોમાં કુલ 70 ટકા કે તેથી વધુ ગુણ મેળવનારા ઉમેદવારોને “પાસ વિથ એક્સેલન્સ” નો દરજ્જો પણ આપશે.