હાલીસા ગામે પીવાના પાણીની સમસ્યા નિવારવા પૂર્વ કોંગ્રેસ ધારાસભ્યના હસ્તે બોરકુવાનું ખાતમુહૂર્ત કરાયું

(જી.એન.એસ.)હાલીસા,તા.૧૭
પાણીની સમસ્યાઓ સંપૂર્ણપણે ખતમ કરવા તંત્ર પૂરતા પ્રયત્નો કરી રહ્યું છે. આજે દહેગામ તાલુકાના હાલીસા ગામે સાકરફળી વાસ ખાતે દહેગામ તાલુકા કોંગ્રેસના પૂર્વ ધારાસભ્ય કામિનીબા રાઠોડના હસ્તે પીવાના પાણી માટે ના બોરકુવા નું ખાતમુહૂર્ત કરવામાં આવ્યું હતું. લાંબા સમયથી લોકોની માંગ ન સંતોષાતા પૂર્વ ધારાસભ્યએ આ બોર કૂવા ને મંજૂરી અપાવી લોક માંગણી સંતોષી હતી. આ કાર્યક્રમમાં તાલુકા કોંગ્રેસના પૂર્વ ધારાસભ્ય કામિનીબા રાઠોડ, હાલીસા ગામના સરપંચ ભરતભાઇ દેસાઇ, તાલુકા પંચાયતના પ્રમુખ રૂપસિંગ, પૂર્વ જિલ્લા ડેલિકેટ પીટી ઠાકોર તથા પંચાયતના સભ્યો હાજર રહ્યા હતા. આ કાર્યક્રમમાં માસ્ક સામાજિક અંતર તથા કોરોના ગાઈડ લાઈનનું ચુસ્ત પણે પાલન કરવામાં આવ્યુ હતું.