(G.N.S) dt. 20
અમદાવાદ
સ્વચ્છતા હી સેવા અંતર્ગત સ્વચ્છતા અંગે જનજાગૃતિ માટે વસ્તી ગણતરી નિયામકની કચેરી તેમજ અમદાવાદ મ્યુનિસિપલ કોર્પોરેશનના સંયુક્ત ઉપક્રમે સાબરમતી રિવરફ્રન્ટ, અમદાવાદ ખાતે રેલી યોજાઈ હતી. આ રેલીને ગુજરાત ખાતેના વસ્તી ગણતરી નિયામક આર્દ્રા અગ્રવાલ દ્વારા ફ્લેગ ઓફ આપીને પ્રસ્થાન કરવામાં આવ્યું હતું.
જાહેરમાં સ્વચ્છતા-પર્યાવરણ અંગે જનજાગૃતિ લાવવાના હેતુ સાથે યોજાયેલી આ રેલીમાં સ્વચ્છ પર્યાવરણનું મહત્વ દર્શાવતા બેનરો, સ્વચ્છ અને હરિયાળા ભારતના સૂત્રો દર્શાવતા પ્લેકાર્ડ્સનો ઉપયોગ કરવામાં આવ્યો હતો. રસ્તા ઉપર અવરજવર કરતા વાહનો અને નાગરિકોએ આ રેલી અંગેની પ્રશંસા કરી હતી.
સવારે ૯:૦૦ થી ૧૦:૩૦ સુધી રિવરફ્રન્ટ હાઉસ, સવારે અમદાવાદથી અટલ બ્રિજ સુધી જાગૃતિ રેલીનું આયોજન કરવામાં આવ્યું હતું. આ રેલીમાં વસ્તી ગણતરી કાર્યાલય અને અમદાવાદ મ્યુનિસિપલ કોર્પોરેશનનાં મળીને અંદાજે ૭૫ જેટલા અધિકારીઓ/કર્મચારીઓએ ભાગ લીધો હતો.This content is restricted to site members. If you are an existing user, please log in. New users may register below.
