વરુણ ધવન અનીસ બાઝમી સાથે ફિલ્મનું શૂટિંગ કરવા તૈયાર

(જી.એન.એસ),તા.૦૨
મુંબઈ
ભારતીય ઓડિયન્સમાં કોમેડી ફિલ્મોની ચાહના એક અલગ જ સ્તરે છે. ઘણાં એક્ટર્સ કોમેડી ફિલ્મો કરી દર્શકોને હસાવવા માટે પ્રયત્ન કરે છે પરંતુ તેમાં તેઓ સફળ થતા નથી. વરુણ ધવનના કેસમાં આ વાત અલગ છે. ‘મેં તેરા હીરો’, ‘હમ્પી શર્મા કી દુલ્હનિયા’, ‘બદ્રીનાથ કી દુલ્હનિયા’, ‘જુડવા ૨’ અને ‘કૂલી નંબર ૧’ જેવી અનેક કોમેડી ફિલ્મો કરી ચૂકેલા વરુણને દર્શકોએ સ્વીકાર્યો છે. કોમેડીથી હટકે અલગ જાેનરની તેની ફિલ્મ ‘બદલાપુર’ અને ઓક્ટોબર’ ને પણ ઓડિયન્સની સાથે ક્રિટિક્સે પણ આવકારી છે. વરુણ ‘ભૂલ ભુલૈયા ૨’ થી ફરી એકવાર લાઈમલાઈટમાં આવનાર કોમેડી મેસ્ટ્રો અનીસ બાઝમીના કોન્ટેક્ટમાં છે અને તેમની સાથે જાેડી બનાવીને ટૂંક સમયમાં કોમેડીથી તરખાટ મચાવશે તેવો રિપોર્ટ સામે આવી આવ્યો છે. રિસન્ટલી વરુણ અને અનીસે મિટિંગ કરી હતી અને આ મિટિંગમાં એક કોમેડી ફિલ્મની સ્ક્રિપ્ટ પર ચર્ચા થઈ હતી. વરુણને ફિલ્મ સ્ટોરી ખૂબ જ પસંદ આવી છે અને વરુણે અનીસના આ આગામી પ્રોજેક્ટમાં જાેડાવા તૈયારી દર્શાવી છે. ભલે, વરુણ અને અનીસે અગાઉ એક પણ ફિલ્મ માટે સાથે કામ નથી કર્યું પરંતુ, એકવાર વરુણના જૂના કમિટમેન્ટ પૂરા થયા બાદ, વરુણ નિર્દેશક બાઝમીની ફિલ્મનું શૂટિંગ શરુ કરશે તેવો અહેવાલ સામે આવ્યો છે. આ અપડેટ વિશે અનીસ બાઝમીએ કહ્યું હતું કે, મેં વરુણના પિતા ડેવિડ ધવનની ૧૫ ફિલ્મો માટે સ્ક્રિપ્ટ લખી છે અને મારુ તેમની સાથે સ્પેશિયલ બોન્ડિંગ છે. વરુણની સ્ક્રીન પ્રેઝન્સ ખૂબ જ સરસ છે અને તેનું કોમેડી ટાઈમિંગ અમેઝિંગ છે. આ કારણે જ હું મારી ફિલ્મમાં વરુણને કાસ્ટ કરવા માટે ઉત્સાહિત છું. હું વરુણને તે છ વર્ષનો હતો ત્યારથી જાણું છું અને અમારા બંનેના સાથે કામ કરવાથી લાઈફ ફૂલ સર્કલ છે તે સાબિત થશે. હું એક આઉટ એન્ડ આઉટ કોમેડી સ્ટોરી પ્લાન કરી રહ્યો છું. જાે બધું અમારા પ્લાનિંગ મુજબ થયું તો, અમે બહુ જલ્દી પ્રોજેક્ટ વિશે એનાઉન્સમેન્ટ કરીશું.