મને ઉમદા શિક્ષકો મળ્યાં હતાં: રાની મુખરજી ચોપરા

(S.yuLk.yuMk){wtçkE,íkk.27
મોખરાની અભિનેત્રી રાની મુખરજી ચોપરાએ કહ્યું હતું કે મારી આગામી ફિલ્મ હિચકીના મારા પાત્ર માટે મારી સ્કૂલના ટીચર્સને મેં દ્રષ્ટિ સમક્ષ રાખ્યાં હતાં. એ લોકોજ મારી પ્રેરણા બની રહ્યાં હતાં. મુંબઇના વિલે પારલે ઉપનગરમાં આવેલી માણેકજી કૂપર સ્કૂલમાં ભણેલી રાની આ ફિલ્મમાં એક શિક્ષિકાનો રોલ કરી રહી છે. એક એવરેજ યુવતી તરીકે એની સામે અનેક સમસ્યા આવે છે. એનાથી અકળાઇ જવાને બદલે એ દરેક પરિસ્થિતિને પોઝિટિવ રીતે સ્વીકારીનેે એનો સામનો કરે છે તથા સફળ થાય છે એવી કથા આ ફિલ્મમાં છે. આ સમાચારને સમર્થન આપતાં રાનીએ કહ્યું કે આ વાત સાચી છે. માણેકજી કૂપર સ્કૂલમાં મારાં ભૂગોળના શિક્ષિકા મિસિસ વકીલ અમને એટલી ચોકસાઇથી ભણાવતાં કે અમારે ઘરે જઇને કશું ન કરવું પડે. એ જ રીતે અમારા ઇતિહાસ અને સાહિત્યનાં શિક્ષિકા મિસિસ દાદરકર જુલિયસ સીઝરની કથા એવી રીતે અમને શીખવતાં કે અમારી દ્રષ્ટિ સમક્ષ આખી વાર્તા આવીને ઊભી રહે. આ શિક્ષકો અમારા માટે પ્રેરણારૃપ બની રહ્યાં હતાં. એ બધાંને યાદ કરી કરીને મારા પાત્રની તૈયારી મેં કરી હતી. ગયા શુક્રવારે સલમાન ખાન અને કેટરિના કૈફની રજૂ થયેલી ફિલ્મ ટાઇગર જિંદા હૈ સાથે હિચકીનું ટ્રેલર રજૂ થયું હતું.