રોકાણકાર મિત્રો, આનંદ ને…!! તા.૧૫.૦૬.૨૦૨૧ ના રોજ…..
સેન્સેક્સ :- ઇન્ટ્રા ડે ટ્રેડીંગની શરૂઆતે બીએસઇ સેન્સેક્સ આગલા બંધ ૫૨૫૫૧.૫૩ સામે ૫૨૭૫૧.૮૩ પોઈન્ટના મથાળેથી ખુલીને ૫૨૬૭૧.૨૯ પોઈન્ટના નીચા મથાળે થી નવી લેવાલી દ્વારા સેન્સેક્સ આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૧૯૮.૨૨ પોઈન્ટની મુવમેન્ટ નોંધાવી ભારતીય શેરબજારનો સેન્સેક્સ ૨૨૧.૫૨ પોઈન્ટના ઉછાળા સાથે ૫૨૭૭૩.૦૫ પોઈન્ટ મજબૂતી સાથે બંધ થયેલ..!!!
નિફ્ટી ફ્યુચર :- ઇન્ટ્રા ડે ટ્રેડીંગની શરૂઆતે નિફ્ટી ફ્યુચર આગલા બંધ ૧૫૮૩૨.૬૫ સામે ૧૫૮૬૬.૬૦ પોઈન્ટના મથાળેથી ખુલીને ૧૫૮૫૩.૯૫ પોઈન્ટના નીચા મથાળે થી નવી લેવાલી દ્વારા નિફ્ટી ફ્યુચર આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૫૫.૦૫ પોઈન્ટની મુવમેન્ટ નોંધાવી નિફ્ટી ફ્યુચર ૩૮.૪૫ પોઈન્ટના ઉછાળા સાથે ૧૫૮૭૧.૧૦ પોઈન્ટ આસપાસ મજબૂતી સાથે બંધ થયેલ..!!!
સ્થાનિક / વૈશ્વિક પરિબળોની વાત કરીએ તો…
કોરોના મહામારીની પ્રતિકૂળતાઓ વચ્ચે આજે સેન્સેક્સે અને નિફટીએ ફરી નવી ઐતિહાસિક ટોચ બનાવી વિક્રમ સર્જયો હતો. કામકાજના પ્રારંભિક તબક્કાથી જ સાનુકૂળ પરિબળો પાછળ નીકળેલી નવી લેવાલીએ સેન્સેક્સ તેમજ નિફ્ટી ફ્યુચરે નવી ઓલટાઈમ હાઈ સપાટીની રચના કરી હતી. દેશમાં કોરોનાના એક્ટિવ કેસમાં પણ ઘટાડો અને વિવિધ રાજ્યો દ્વારા અનલોકની હાથ ધરાયેલી પ્રક્રિયાના પગલે આર્થિક ગતિવિધીઓ પુન: ધમધમતી થતા અર્થતંત્રમાં પણ સુધારો નોંધાવા સાથે નવી માંગ નીકળવાનો આશાવાદ પ્રબળ રહેતા નાણાંકીય તરલતાના પગલે રીટેલ સહિત તમામ સ્તરના રોકાણકારો બજારમાં સક્રિય બનતા પોઝીટીવ માહોલ જોવા મળ્યો હતો.
વિવિધ રેટિંગ એજન્સીઓ દ્વારા ભારતના આર્થિક વિકાસના લક્ષ્યાંકમાં ઘટાડો કરાયો છે. પરંતુ અનલોકની પ્રક્રિયા તેમજ સરકારી રાહતોના કારણે અર્થતંત્રમાં ઝડપી વૃધ્ધિનો બજારમાં આશાવાદ વચ્ચે વેક્સિનેશન મુદ્દે ઉહાપોહ બાદ સરકાર દ્વારા વર્ષાન્ત સુધીમાં તમામને રસી આપવાની કરાયેલી જાહેરાતથી બજારનું મોરલ સુધર્યું છે. આ ઉપરાંત વિવિધ સરકારી તેમજ મધ્યસ્થ બેંકના પગલા તેમજ રિઝર્વ બેંક દ્વારા નીચા વ્યાજ દર જાળવી રાખવાની તેમજ તરલતાની સ્થિતિ જળવાઈ રહેવાના પગલાની જાહેરાતની બજાર પર સાનુકૂળ અસર થતા તેજીની વિક્રમી ચાલ આગળ વધી હતી.
બીએસઇ પર મીડકેપ ઈન્ડેક્સ ૦.૬૦% અને સ્મોલકેપ ઈન્ડેક્સ ૦.૪૪% વધીને બંધ રહ્યા હતા. વિવિધ સેક્ટરલ ઈન્ડાયસીસની વાત કરીએ તો બીએસઈ પર માત્ર હેલ્થકેર, યુટિલિટીઝ, મેટલ અને પાવર શેરોમાં વેચવાલી જોવા મળી હતી, જ્યારે અન્ય બીજા તમામ સેક્ટરલ ઈન્ડાયસીસ ઉછાળા સાથે બંધ રહ્યા હતા. બીએસઈમાં કુલ ટ્રેડીંગ થયેલી ૩૩૬૮ સ્ક્રિપોમાંથી ઘટનારની સંખ્યા ૧૨૮૦ અને વધનારની સંખ્યા ૧૯૪૩ રહી હતી, ૧૪૫ શેરના ભાવમાં કોઈ ફેરબદલ જોવાયો ન હતો. જ્યારે ૧૮૫ શેરોમાં ઓનલી સેલરની મંદીની નીચલી સર્કિટ સામે ૫૬૫ શેરોમાં ઓનલી બાયરની તેજીની ઉપલી સર્કિટ રહી હતી.
બજારની ભાવિ દિશા…. મિત્રો, કોરોના સંક્રમણની બીજી ઘાતક લહેર મંદ પડયા સાથે હવે આર્થિક ગતિવિધિ દેશભરમાં વધવા લાગતાં અને ચોમાસાની પણ દેશમાં સમયથી વહેલી સારી શરૂઆતના પોઝિટીવ પરિબળે આર્થિક વિકાસને આગામી દિવસોમાં વેગ મળવાની અપેક્ષાએ ભારતીય શેરબજારમાં ફોરેન ફંડોએ શેરોમાં સારા ફંડામેન્ટલ ધરાવતી કંપનીઓના શેરોમાં રી-રેટીંગ સાથે વેલ્યુબાઈંગ વધાર્યું છે. સ્મોલ, મિડ કેપ શેરોમાં વ્યાપક તેજીના તોફાન સાથે સેન્સેક્સ, નિફટીને નવી ઐતિહાસિક ઊંચાઈએ મૂકી દીધા છે. પરંતુ ફુગાવો-મોંઘવારી ફરી અસહ્ય બનવા લાગી છે, ક્રુડ ઓઈલના વધતાં ભાવો સાથે પેટ્રોલ, ડિઝલના ઐતિહાસિક નવી ઊંચાઈને આંબતા ભાવો આગામી દિવસોમાં બજારની તેજીને આંચકા આપી શકે છે. આ સાથે ભારતીય શેરબજારમાં ઓવરહીટની પરિસ્થિતિમાં ગમે તે ઘડીએ કરેકશન આપીને ફંડો બજારમાં ઓવરબોટ પોઝિશન હળવી કરતાં જોવાઈ શકે છે. જેથી સાવચેતી ખૂબ જ જરૂરી બની રહેશે. આગામી દિવસોમાંમાં ચોમાસાની પ્રગતિ નજર રહેશે.
This content is restricted to site members. If you are an existing user, please log in. New users may register below.
