ગૃહપ્રધાન અમિત શાહે ‘ધ કાશ્મીર ફાઈલ્સ’ની ટીમ સાથે બ્રેકફાસ્ટ કર્યો

(જી.એન.એસ),તા.૧૭

નવીદિલ્હી

ફિલ્મ નિર્માતા વિવેક અગ્નિહોત્રી દ્વારા નિર્દેશિત ફિલ્મ ‘ધ કાશ્મીર ફાઇલ્સ’એ સિનેમાઘરમાં છવાઈ ગઈ છે.તમને જણાવી દઈએ કે 11 માર્ચે સિનેમાઘરોમાં રિલીઝ થયેલી આ ફિલ્મ 1990ના કાશ્મીર વિદ્રોહ દરમિયાન કાશ્મીરી હિંદુઓના હિજરત પર આધારિત છે. ‘ધ કાશ્મીર ફાઇલ્સ’ની કમાણીમાં દરરોજ વધારો જોવા મળી રહ્યો છે. ફિલ્મે પ્રથમ સપ્તાહમાં જ બોક્સ ઓફિસ પરના તમામ રેકોર્ડ તોડી નાખ્યા હતા. ગૃહ પ્રધાન અમિત શાહે ‘ધ કાશ્મીર ફાઈલ્સ’ની ટીમને બ્રેકફાસ્ટ માટે તેના નિવાસસ્થાને આમંત્રિત કરી હતી. અનુપમ ખેરે ઈન્સ્ટાગ્રામ પર ફોટો શેર કરીને આ અંગે માહિતી આપી છે.તેણે કેપ્શનમાં લખ્યુ છે કે,#TheKashmirFiles ને તમારા નિવાસસ્થાને બ્રેકફાસ્ટ માટે આમંત્રિત કરવા બદલ આભાર. દેશની સુરક્ષા અને વિકાસ પ્રત્યે તમારું સમર્પણ પ્રેરણાદાયી છે. ફરી એકવાર તમારો આભાર.