ભોલી પંજાબણના ઉઘડી ગયા નસીબ, મળી ત્રણ કરોડની ઑફર

(S.yuLk.yuMk){wtçkE,íkk.27
અભિનેત્રી રિચા ચડ્ડાની તાજેતરમાં હિટ નીવડેલી કોમેડી ફિલ્મ ફૂક્રે રિટર્ન્સમાં એણે ભજવેલા ભોલી પંજાબણના પાત્ર રૃપે ન્યૂ યરની પાર્ટીમાં હાજરી આપે તો રિચાને ત્રણ કરોડના મહેનતાણાની ઑફર કરવામાં આવી હતી. અગાઉ ઓરિજિનલ ફૂક્રેમાં પણ રિચાએ આ જ પાત્ર ભજવ્યું હતું. એ ફિલ્મ હિટ નીવડતાં એના સર્જકોએ સિક્વલ બનાવી હતી જેમાં રિચાએ મૂળ ફિલ્મના પાત્રને ફરી વાર રજૂ કર્યું હતું જેની ચોમેર પ્રશંસા થઇ હતી. એથી એક આયોજકે એને એવી ઑફર કરી હતી કે ૩૧મી ડિસેંબરની મધરાતે ઊજવાનારી ન્યૂ યર પાર્ટીમાં ભોલી પંજાબણ તરીકે હાજરી આપો તો તમને ત્રણ કરોડનું મહેનતાણું ચૂકવીશું. આ માહિતીને રિચાની નિકટનાં સૂત્રોએ સમર્થન આપ્યું હતું. રસપ્રદ વાત એ હતી કે આ પ્રકારના આ પ્રકારનુ આમંત્રણ એને એક નહીં પણ ત્રણ ત્રણ સ્થળેથી મળ્યંુ હતું- લુધિયાણા, મેરઠ અને જયપુર. હવે જોવાનુંુ છે કે રિચા કોનું આમંત્રણ સ્વીકારે છે. એક સાથે ત્રણ સ્થળે તો એ હાજરી નહીં આપી શકે. જો કે રિચાના પ્રવક્તાએ કહ્યું કે એ મોટે ભાગે પહોંચી વળશે. એણે આયોજકોને એવી રીતે પોતપોતાની પાર્ટી યોજવાની હા પાડી છે જેથી એ ત્રણે સ્થલે પહોંચી વળે. અગાઉ રિચએ ટીવી સ્ટાર ભારતી સિંઘની જેમ સ્ટેન્ડ અપ કોમેડીનો પ્રયોગ સફળતાથી કર્યો હતો. એટલે આ વખતે પણ એ પહોંચી વળશે એવી અમને ખાતરી છે.