રશિયાએ યુક્રેનની શાળા પર હુમલો કર્યો : અમેરિકાનો દાવો

(જી.એન.એસ),તા.૧૮

યુક્રેન

યુએસ એમ્બેસીએ દાવો કર્યો છે કે રશિયન સમર્થિત અલગતાવાદીઓએ યુક્રેનની સરકાર દ્વારા નિયંત્રિત વિસ્તારમાં ડોનબાસમાં એક શાળાને નિશાન બનાવી છે.આ દરમિયાન અમેરિકી રાષ્ટ્રપતિ જાે બિડેને કહ્યું કે યુક્રેનમાં જે પ્રકારની સ્થિતિ જાેવા મળી રહી છે તે જાેઈને લાગે છે કે બંને દેશો વચ્ચે ગમે ત્યારે યુદ્ધ થઈ શકે છે. જાે બિડેને કહ્યું છે કે રશિયા પણ અલગતાવાદીઓની મદદથી ખોટા ફ્લેગ ઓપરેશન ચલાવવાનો પ્રયાસ કરી રહ્યું છે. કિવમાં યુએસ એમ્બેસીએ ટ્‌વીટ કર્યું કે યુક્રેનિયન સરકાર દ્વારા નિયંત્રિત વિસ્તાર ડોનવાસમાં એક શાળાને રશિયન સ્ટાનિટસિયા લુહાન્સકાના તોપમારાથી નુકસાન થયું છે. આ હુમલામાં બે શિક્ષકો ઘાયલ થયા છે, જ્યારે એક ગામની વીજળી સંપૂર્ણપણે ઠપ થઈ ગઈ છે. ડોનબાસમાં હુમલાખોર સ્પષ્ટપણે રશિયા છે. જાે અમેરિકી દૂતાવાસનો દાવો સાચો નીકળે તો આ હુમલો મિન્સ્ક કરારોનું સીધું ઉલ્લંઘન છે. અમેરિકી રાષ્ટ્રપતિ જાે બિડેન પહેલા જ ઘણા સંકેતો આપી ચુક્યા છે કે રશિયા આગામી થોડા દિવસોમાં યુક્રેન પર હુમલો કરી શકે છે. બિડેને વ્હાઇટ હાઉસમાં પત્રકારોને જણાવ્યું હતું કે અમારી પાસે ઘણા સંકેતો છે કે તેઓ (રશિયા) યુક્રેનમાં પ્રવેશ કરવા, યુક્રેન પર હુમલો કરવા માટે તૈયાર છે. તેમણે કહ્યું કે યુક્રેન સાથેની સરહદ પરથી રશિયન સૈનિકોને હટાવવાના દાવા અંગે અમેરિકાના કોઈ સંકેત દેખાતા નથી. તેમણે કહ્યું કે અમેરિકા પાસે એવું માનવાનું કારણ છે કે રશિયા યુક્તિઓની વાત કરી રહ્યું છે જેથી તે અંદર જવા માટે બહાનું શોધી શકે. બિડેને પ્રશ્નોના જવાબમાં કહ્યું હતું કે યુક્રેન પર રશિયન હુમલાનો ખતરો હજુ પણ વધારે છે. તેણે કહ્યું કે હુમલો આગામી થોડા દિવસોમાં થઈ શકે છે અને તેણે યુક્રેન અંગે રશિયન પ્રમુખ વ્લાદિમીર પુતિનની પ્રતિક્રિયા વાંચી નથી. ઘણા અહેવાલો અનુસાર, રશિયાએ યુક્રેનની સરહદોની આસપાસ લગભગ ૧૫૦,૦૦૦ સૈનિકો તૈનાત કર્યા છે.રશિયા અને યુક્રેન વચ્ચે છેલ્લા ઘણા દિવસોથી ચાલી રહેલો તણાવ હવે ચરમસીમાએ પહોંચી ગયો છે. બંને દેશોએ એકબીજા પર હુમલાનો આરોપ લગાવ્યો છે. રશિયાએ દાવો કર્યો છે કે યુક્રેનની સેનાએ અલગતાવાદીઓના કબજા હેઠળના ડોનેસ્કમાં હુમલો કર્યો છે. આ પછી અમેરિકા સહિત ઘણા મોટા દેશો તેને રશિયા અને યુક્રેન વચ્ચે યુદ્ધનો સંકેત માની રહ્યા છે.