આ બજેટ 2047 સુધીમાં વિકસિત ભારતના સંકલ્પને પૂર્ણ કરશે
આ બજેટ સત્રમાં ઘણા ઐતિહાસિક બિલોમાં સુધારા પર ચર્ચા કરવામાં આવશે. આ બજેટ સત્રમાં ઘણા મહત્વના નિર્ણયો લેવામાં આવશે
(જી.એન.એસ) તા. 31
નવી દિલ્હી,
1 ફેબ્રુઆરી 2025 ને શનિવારના રોજ મોદી સરકારના 3જા કાર્યકાળનું પહેલું પૂર્ણ બજેટ રજૂ થઈ રહ્યું છે. પીએમ મોદીએ બજેટના એક દિવસ પહેલાં સંકેત આપ્યો છે કે આવનારા બજેટમાં શું શું હોઈ શકે છે તે બાબતે જણાવ્યું હતું કે, આ ત્રીજા કાર્યકાળનું આ પ્રથમ પૂર્ણ બજેટ 2047 પર કેન્દ્રિત રહેશે. બજેટ સત્રમાં મહિલા શક્તિને પ્રોત્સાહન આપવાના હેતુથી ઘણા મહત્વના નિર્ણયો લેવામાં આવશે.
વડાપ્રધાન મોદીએ પોતાના સંબોધનમાં કહ્યું કે અમે મિશન મોડમાં છીએ અને આ સત્રમાં ઘણા મહત્વપૂર્ણ અને ઐતિહાસિક નિર્ણયો લેવામાં આવશે, મને આશા છે કે આ બજેટ સત્રમાં અમે દેશની આકાંક્ષાઓ પર ખરા ઉતરીશું.
પીએમ મોદીએ કહ્યું, ‘હું પ્રાર્થના કરું છું કે દેવી લક્ષ્મી આપણા દેશના ગરીબ અને મધ્યમ વર્ગ પર તેમના આશીર્વાદ આપે. ભારતે લોકતાંત્રિક રાષ્ટ્ર તરીકે 75 વર્ષ પૂર્ણ કર્યા છે તે ખૂબ જ ગર્વની વાત છે. ભારતે વૈશ્વિક સ્તરે પોતાની જાતને સારી રીતે સ્થાપિત કરી છે. મારા ત્રીજા કાર્યકાળનું આ પ્રથમ પૂર્ણ બજેટ છે.
આ સાથે પીએમ મોદીએ કહ્યું, ‘હું વિશ્વાસ સાથે કહી શકું છું કે 2047માં જ્યારે ભારત આઝાદીના 100 વર્ષ પૂરા કરશે ત્યારે ભારત વિકસિત ભારતનું લક્ષ્ય પૂરું કરશે અને આ બજેટ દેશને નવી ઉર્જા અને આશા આપશે.’
વડાપ્રધાન નરેન્દ્ર મોદીએ કહ્યું, ‘આપણો દેશ યુવાન છે. આજે, 20-25 વર્ષની વયના યુવાનો વિકસિત ભારતના સૌથી વધુ લાભાર્થી હશે. જ્યારે તે 50 વર્ષનો થશે, ત્યારે તે નીતિ ઘડતરની બાગડોર સંભાળશે. વિકસિત ભારતના અમારા વિઝનને સાકાર કરવાના અમારા પ્રયાસો અમારી યુવા પેઢી માટે એક મોટી ભેટ હશે.
This content is restricted to site members. If you are an existing user, please log in. New users may register below.
