(GNS),15
હિન્દી સિનેમાના જાણીતા અભિનેતા રિયો કાપડિયા હવે રહ્યા નથી. અભિનેતાનું 13 સપ્ટેમ્બર, બુધવારે 66 વર્ષની વયે અવસાન થયું હતું. રિયો કાપડિયા શાહરૂખ ખાનની ચક દે ઈન્ડિયા, હેપ્પી ન્યૂ યર અને દિલ ચાહતા હૈ સહિત ઘણી બોલિવૂડ ફિલ્મોમાં જોવા મળ્યો હતો. તે છેલ્લે પ્રાઇમ વિડિયોની રિલીઝ થયેલી વેબ સિરીઝ ‘મેડ ઇન હેવન 2’માં જોવા મળ્યો હતો જેમાં શોભિતા ધુલીપાલા, અર્જુન માથુર, કલ્કી કોચલીન અને જિમ સરભ અભિનીત હતા. રિયો કાપડિયાના નિધનના સમાચારની પુષ્ટિ તેમના મિત્ર ફૈઝલ મલિકે કરી છે. તેણે ઈન્ડિયા ટુડેને માહિતી આપી કે, રિયો હવે આ દુનિયામાં નથી રહ્યાં. તેમના નિધનના સમાચાર ઈન્ડસ્ટ્રી માટે મોટો આઘાત છે. રિયોના મૃત્યુનું કારણ હજુ જાણી શકાયું નથી. આ સિવાય અભિનેતાના પરિવારે તેમના આકસ્મિક નિધન અંગે હજુ સુધી કોઈ નિવેદન જારી કર્યું નથી. કહેવામાં આવી રહ્યું છે કે, રિયોએ ગુરુવારે બપોરે 12.30 વાગ્યે અંતિમ શ્વાસ લીધા હતા. અભિનેતાના સમાચાર સામે આવ્યા બાદ મનોરંજન જગતના ઘણા સ્ટાર્સે સોશિયલ મીડિયા દ્વારા દિવંગત અભિનેતાને શ્રદ્ધાંજલિ આપી છે. પરિવારની વાત કરીએ તો, રિયોમાં તેની પત્ની મારિયા ફરાહ અને બે બાળકો અમન અને વીર છે.
This content is restricted to site members. If you are an existing user, please log in. New users may register below.