(GNS),19
સાઉથના મેગા સ્ટાર ચિરંજીવીની આગામી પાન ઈન્ડિયા ફિલ્મમાં અનુષ્કા શેટ્ટીનો લીડ રોલ નક્કી થઈ શકે છે. સાઉથના બે મોટાં સ્ટાર્સ પહેલી વખત કોઈ ફિલ્મમાં સાથે લીડ રોલ કરશે. ચિરંજીવીએ બિગ બજેટ ફિલ્મની તૈયારી શરૂ કરી દીધી છે. તેને પાન ઈન્ડિયા રિલીઝ કરવા માટે તેમણે લીડ રોલમાં બાહુબલિની દેવસેનાની પસંદગી કરી છે. બાહુબલિ 2ની સફળતા બાદ પ્રભાસ બોલિવૂડ ફિલ્મોમાં પરોવાયો હતો. બોલિવૂડ સાથેની જુગલબંધી સફળ ન રહેતા પ્રભાસે સાઉથની ઈન્ડસ્ટ્રીમાં જ ધ્યાન આપવાનો નિર્ણય લીધો છે, જ્યારે અનુષ્કા શેટ્ટીએ બાહુબલિ 2 બાદ કોઈ પાન ઈન્ડિયા ફિલ્મ કરી નથી. અનુષ્કા અને ચિરંજીવીની ફિલ્મને હાલ મેગા 157 ટાઈટલ અપાયું છે. ચિરંજીવીની 157મી ફિલ્મને બિમ્બિસારના ડાયરેક્ટર માલિડિ વશિષ્ઠ ડાયરેક્ટ કરવાના છે.
બિગ બજેટ ફિલ્મની પાન ઈન્ડિયા રિલીઝ માટે ચિરંજીવી સામે ટક્કર લઈ શકે તેવી એક્ટ્રેસ જરૂરી હતી. આખરે ફિલ્મની ટીમે અનુષ્કા શેટ્ટી પર નજર ઠેરવી હતી. ફિલ્મમાં લીડ રોલ માટે અગાઉ ત્રિષા ક્રિશ્નનું નામ પણ વિચારાયું હતું. જો કે ત્રિષા પાસે સંખ્યાબંધ પ્રોજેક્ટ્સ છે. થલપતિ વિજય, રજનીકાંત, અજિત કુમાર અને કમલ હાસન સાથેની મોટી ફિલ્મો ત્રિષાના હાથમાં છે. ત્રિષાને ડેટ્સની સમસ્યા હોવાથી અનુષ્કાની પસંદગી થઈ હોવાનું કહેવાય છે. ચિરંજીવી અને અનુષ્કા શેટ્ટીએ અગાઉ બે ફિલ્મોમાં સાથે કામ કર્યું છે. જો કે કોઈ ફિલ્મમાં તેમણે સાથે લીડ રોલ કર્યા નથી. 2006ના વર્ષમાં આવેલી ચિરંજીવીની ફિલ્મ સ્ટાલિનમાં અનુષ્કાનો સ્પેશિયલ રોલ હતો. 2018ન ફિલ્મ સાય રા નરસિમ્હા રેડ્ડીમાં અનુષ્કાએ રાણી લક્ષ્મીબાઈનો રોલ કર્યો હતો. તાજેતરમાં આવેલી અનુષ્કાની ફિલ્મ મિસ શેટ્ટી મિસ્ટર પોલિશેટ્ટીના સાઉથમાં વખાણ થઈ રહ્યાં છે.
This content is restricted to site members. If you are an existing user, please log in. New users may register below.
