(જી.એન.એસ) તા.૧૬

ગાંધીનગર,

રાજ્યમાં આજે ઉત્તરાયણ પર્વની ધામધૂમથી ઉજવણી કરવામાં આવી. પતંગબાજીના કારણે પાંચ લોકોએ જીવ ગુમાવ્યા હતા. અનેક લોકોના ગળા કપાઈ જતાં સારવાર માટે અન્ય સ્થળે લઈ જવા પડ્યા હતા. દ્વારકાના ભાણવડમાં 80 વર્ષીય વૃદ્ધ પતંગની દોરીથી ઇજાગ્રસ્ત થયા હોવાનું જાણવા મળ્યું છે. ટુ વ્હિલર પર જઇ રહેલા વૃદ્ધનું પતંગની દોરીથી ગળું કપાતા ઇજાગ્રસ્ત થતાં હોસ્પિટલ ખસેડાયા છે. પતંગબાજીના કારણે 16 લોકોએ જીવ ગુમાવ્યા હતા. અનેક લોકોના ગળા કપાઈ જતાં સારવાર માટે અન્ય સ્થળે લઈ જવા પડ્યા હતા. વિવિધ શહેરોમાંથી ઇમરજન્સી ફરિયાદો મળતાં સવારથી 108 એમ્બ્યુલન્સ દોડી આવી છે. સાંજે 6 વાગ્યા સુધી રાજ્યમાં 108ને 3707 ઈમરજન્સી કોલ આવ્યા છે. સાંજ સુધીમાં તેમાં વધારો થવાની શક્યતા છે. ઉતરાયણમાં ગઈકાલે 4256 કેસો નોંધાયા છે. અમદાવાદમાં 39, વડોદરા 24, રાજકોટ 15 કેસો નોંધાયા છે. કરુણા અભિયાનમાં પણ પશુ-પક્ષીઓને બચાવાયા હતા. 758 પશુઓ અને 644 પક્ષીઓને સારવાર આપવામાં આવી હતી. આમ, 1400થી વધુ પક્ષીઓ ઘાયલ થયા હતા. કોઈનો શોખ કોઈના માટે જોખમ બન્યું હતું. રાજ્યમાં મકરસંક્રાંતિની ઉજવણી વચ્ચે પતંગ ચગાવવાને કારણે ચાર લોકોએ જીવ ગુમાવ્યા છે. રાજકોટમાં પતંગની દોરીથી બાઇક સવારનું મોત. બીજા બનાવમાં સુરેન્દ્રનગરના પાટડીના ઓડુ ગામના ઇશ્વરભાઇ ઠાકોરનું પણ પતંગની દોરીથી મોત થયું હતું. ત્રીજા બનાવમાં હાલોલના રહતલાવ ગામના 5 વર્ષીય કુણાલનું પતંગની દોરીથી ગળું દબાવવાથી મોત થયું હતું. પરેશભાઈ તેમના પુત્ર કૃણાલ સાથે ટુ-વ્હીલર પર પેનોરમા ચોકડી પાસે ફુગ્ગા ખરીદવા જઈ રહ્યા હતા. દરમિયાન અચાનક પતંગની દોરી તેની સામે આવી હતી જે સામે બેઠેલા કૃણાલના ગળામાં ફસાઈ ગઈ હતી. દોરીના ઘર્ષણને કારણે બાળકનું ગળું ખરાબ રીતે કપાયું હતું. ઇજાગ્રસ્ત કૃણાલને તાત્કાલિક હાલોલ ઉપજીલા હોસ્પિટલમાં સારવાર માટે લઇ જવાયો હતો. તબીબોએ તાત્કાલિક સારવાર શરૂ કરી હતી, પરંતુ થોડા સમય બાદ બાળકનું મોત થયું હતું. ચોથા બનાવમાં કડીના કસ્બા વિસ્તારમાં વીજ વાયર પર પડેલી પતંગની દોરી કાઢવાના પ્રયાસમાં એક મહિલાને વીજ કરંટ લાગ્યો હતો. દરમિયાન મહિલાને બચાવવા ગયેલા તેના ભાઈનું પણ વીજ કરંટ લાગતાં તેનું દર્દનાક મોત નિપજ્યું હતું. પાંચમાં બનાવમાં ઉત્તરાયણની ઉજવણી વચ્ચે મહેસાણા જિલ્લામાં એક દુ:ખદ ઘટના પ્રકાશમાં આવી છે. વડનગર તાલુકાના વડબાર ગામના 35 વર્ષીય મનસાજી રગુનજી ઠાકોરનું દોરી વડે ગળું કપાવવાથી કરૂણ મોત નીપજ્યું હતું. બનાવની વિગત મુજબ મનસાજી બાઇક પર કામ અર્થે વડનગર ગયા હતા. બપોરે કામ પતાવીને ઘરે પરત ફરી રહ્યા હતા ત્યારે અચાનક તેના ગળામાં દોરી ફસાઈ હતી. ગંભીર રીતે ઘાયલ થતાં તેને તાત્કાલિક વડનગર સિવિલ હોસ્પિટલમાં લઈ જવામાં આવ્યો હતો, જ્યાં સારવાર દરમિયાન તેનું મોત નીપજ્યું હતું. મૃતકના ભાઈ મોનાજી ઠાકોરે જણાવ્યું કે, માનસાજી તેમના ઘર પાસે પહોંચ્યા ત્યારે અકસ્માત થયો હતો. ત્રણ સંતાનોના પિતા માનસાજીના અકાળે અવસાનથી સમગ્ર પરિવાર અને વિસ્તારમાં શોકનું મોજુ ફરી વળ્યું છે. વડોદરામાં પતંગની દોરીથી 6 લોકો કપાયા, એકનું મોત ઉત્તરાયણ પર્વને કારણે વડોદરા શહેરમાં પતંગની દોરીથી ગળું કાપવાના 6 બનાવો નોંધાયા છે. આ પૈકી પાંચ લોકોની સારવાર ચાલી રહી છે. જ્યારે છાણીની 35 વર્ષીય મહિલા માધુરી કૌશિકભાઈ પટેલનું ગળું માંઝા દ્વારા કપાઈ જતાં તેનું મોત થયું હતું. શહેરમાં છત પરથી પડી જવાની ઘટના સામે આવી છે, વ્યક્તિ હાલમાં બેભાન છે. આજે ઉત્તરાયણ નિમિત્તે રાજ્યમાં સવારથી 108 એમ્બ્યુલન્સ દોડી રહી છે. સાંજે 6 વાગ્યા સુધી 108 કોલ સેન્ટર પર 3707 ઈમરજન્સી કોલ આવ્યા છે. અમદાવાદમાં સૌથી વધુ 732 કોલ આવ્યા છે જ્યારે સુરત 320 કોલ સાથે બીજા ક્રમે છે. જિલ્લાવાર ઈમરજન્સી કોલના આંકડા નીચે મુજબ છે.