Home ગુજરાત લાલભાઇપાર્કમાં બંધ મકાનમાં તસ્કરો ઘરમાંથી રૂ.1.65 લાખનો મુદ્દામાલ ઉઠાવી ગયા

લાલભાઇપાર્કમાં બંધ મકાનમાં તસ્કરો ઘરમાંથી રૂ.1.65 લાખનો મુદ્દામાલ ઉઠાવી ગયા

33
0

પાટણનાં ગાયત્રી મંદિર રોડ ઉપર આવેલી લાલભાઇપાર્કમાં રહેતા અને પાટણ જિલ્લા શિક્ષત અને તાલીમ પાટણ ભવન (ડાયેટ)માં કલાર્ક તરીકે નોકરી કરતાં દેવેન્દ્રકુમાર ઉમિયાશંકર જોશીનાં ઘરમાંથી તા. 24-12-2022ની રાતથી તા. 26-12-2022નાં સવારે કોઇ તસ્કરોએ ઘરનાં મુખ્ય દરવાજાની લોખંડની જાળીવાળા દરવાજાનો નકુચો કોઇ સાધનોથી તોડીને ઘરમાં પ્રવેશ કરીને ઘરની તિજોરીમાં મૂકેલા રૂા. 35000 રોકડા, રૂા. 75000નો અઢી તોલાનો સોનાનો ઢી તોલાનો નેકલેસ સેટ, રૂ।. 25000ની સોનાની એક તોલાની બુટ્ટી, રૂ 15000ની અડધા તોલાની બે વીંટી તથા રૂા.15000થી અડધા તોલાની સોનાની ચૂંક-3 નંગ મળી કુલે રૂા.1.30.000 મળી કુલ રૂા. 1,65,000ની મતાની ચોરી કરી ગયા હતાં.

આ અંગેની મળતી માહિતી મુજબ દેવેન્દ્રભાઇ જોશી તથા તેમનાં પત્ની રાખીબેન બંને જણા અડાલજ ત્રિમંદિર ખાતે પારાયણ કરવા માટે તા. 24મીનાં રોજ ગયા હતાં ને સવારે અડાલજથી પાટણ આવ્યા હતાં. પત્ની કોઇ દવાખાનામાં નોકરી કરતાં હોવાથી તેને ત્યાં ઉતારીને પુત્ર સાથે ઘેર આવેલા દેવેન્દભાઇએ ઘરનો દરવાજો ખુલ્લો જોતા અંદર જઇને તપાસ કરતાં તિજોરીનાં લોક પણ ખુલ્લા હતા. જેમાંથી ઉપરોક્ત ચીજવસ્તુઓ દાગીના રોકડની ચોરી થઇ હતી. આ બનાવ અંગે તેમણે પાટણ બી- ડીવીઝન પોલીસ મથકે ફરીયાદ નોંધાવી હતી.

GNS NEWS

This content is restricted to site members. If you are an existing user, please log in. New users may register below.

Existing Users Log In
   
New User Registration
*Required field