રાજ્યમાં સ્થાનિક ચૂંટણીની પૂરજોરથી ચાલતી તૈયારીઓ શરૂ કરી દેવામાં આવી

(જી.એન.એસ) તા.૧૧

ગાંધીનગર,

સ્થાનિક સ્વરાજ્યની ચૂંટણીની જાહેરાત પહેલા મહત્વના અપડેટ્સ સામે આવી રહ્યા છે. સ્થાનિક સ્વરાજ્યની ચૂંટણીની તૈયારીઓ શરૂ કરી દેવામાં આવી છે. ગાંધીનગરમાં મળેલી કેબિનેટની બેઠકમાં સ્થાનિક સ્વરાજ્યની ચૂંટણી માટે મંત્રીઓને જવાબદારી સોંપવામાં આવી હતી.  સ્થાનિક સ્વરાજ્યની ચૂંટણીની  જાહેરાત પહેલા મહત્વના અપડેટ્સ સામે આવી રહ્યા છે. સ્થાનિક સ્વરાજ્યની ચૂંટણીની તૈયારીઓ શરૂ કરી દેવામાં આવી છે. ગાંધીનગરમાં મળેલી કેબિનેટની બેઠકમાં સ્થાનિક સ્વરાજ્યની ચૂંટણી માટે મંત્રીઓને જવાબદારી સોંપવામાં આવી હતી. કેબિનેટ બેઠકમાં મંત્રીઓને જિલ્લાવાર જવાબદારીઓ સોંપવામાં આવી હતી. ઉલ્લેખનીય છે કે, જાન્યુઆરી મહિનામાં સ્થાનિક સ્વરાજ્યની ચૂંટણીની જાહેરાત થવાની શક્યતા છે. ઉલ્લેખનીય છે કે ગયા મહિને સ્થાનિક સ્વરાજ્યની બેઠકોની ફાળવણી કરવામાં આવી હતી. રાજ્યની 79 નગરપાલિકાઓને બેઠકો ફાળવવામાં આવી હતી. રાજ્યમાં 27 ટકા અનામતના અમલને કારણે બેઠકોની ફાળવણી અને સીમાંકનમાં ફેરફાર થયો હતો. સ્થાનિક સ્વરાજ્યની ચૂંટણી નજીકના ભવિષ્યમાં જાહેર થશે ત્યારે બેઠકોની ફાળવણી અંગે ગયા મહિને જાહેરનામું બહાર પાડવામાં આવ્યું હતું. મહાનગરપાલિકાનું રોસ્ટર નોટિફિકેશન પણ જાહેર કરાયું જોકે, અગાઉ રાજ્યની આઠ મ્યુનિસિપલ કોર્પોરેશનનું રોસ્ટર નોટિફિકેશન જાહેર કરવામાં આવ્યું હતું. શહેરી વિકાસ વિભાગે રોસ્ટર અંગે જાહેરનામું બહાર પાડ્યું હતું. જે મુજબ અમદાવાદ મ્યુનિસિપલ કોર્પોરેશને પ્રથમ ટર્મ માટે પછાત વર્ગ અને બીજી ટર્મ માટે મહિલાઓને અનામત આપી છે. જ્યારે સુરત મહાનગરપાલિકામાં પ્રથમ અઢી વર્ષ માટે મહિલા મેયરની નિમણૂંક કરવામાં આવશે અને ત્યારબાદ બીજા અઢી વર્ષ માટે જનરલ કેટેગરીના મેયરની નિમણૂંક કરવામાં આવશે. વડોદરા મ્યુનિસિપલ કોર્પોરેશનમાં પ્રથમ અઢી વર્ષ માટે અનુસૂચિત જાતિના મેયરની નિમણૂક કરવામાં આવશે અને ત્યારબાદ બીજા અઢી વર્ષ માટે મહિલા મેયર (પછાત જાતિ)ની નિમણૂક કરવામાં આવશે. રાજકોટ મહાનગરપાલિકામાં પ્રથમ અઢી વર્ષ માટે જનરલ કેટેગરીના મહિલા મેયર અને બીજા અઢી વર્ષ માટે અનુસૂચિત જાતિમાંથી મહિલા મેયરની નિમણૂક કરવામાં આવશે. ભાવનગર મહાનગરપાલિકામાં પ્રથમ અઢી વર્ષ માટે મહિલા મેયર અને બીજા અઢી વર્ષ માટે જનરલ કેટેગરીના મેયરોની નિમણૂંક કરવામાં આવશે. રાજ્ય ચૂંટણી પંચે પણ સ્થાનિક સ્વરાજ્યની ચૂંટણીની તૈયારીઓ તેજ કરી દીધી છે. પંચાયતની ચૂંટણી માટે ચૂંટણી અધિકારીઓ અને મદદનીશ અધિકારીઓની નિમણૂક કરવામાં આવી છે. જે મુજબ રાજ્યમાં 94 ચૂંટણી અધિકારીઓ અને મદદનીશ ચૂંટણી અધિકારીઓની નિમણૂક કરવાના આદેશો આપવામાં આવ્યા છે.