(GNS),09
ગોવા પોલીસે ડેટિંગ એપ પર મિત્રતા અને પછી પ્રેમ, સેક્સ અને છેતરપિંડી કરતી ગેંગનો પર્દાફાશ કર્યો છે. આ ટોળકી ગુજરાતમાંથી ગોવા આવતા વેપારીઓને નિશાન બનાવતી હતી. બિઝનેસમેનને ટાર્ગેટ કરીને છોકરીઓ ડેટિંગ એપ પર મિત્રો બનાવતી અને પછી ડેટ પર બોલાવતી. યુવતી બિઝનેસમેનના ખર્ચે હોટલમાં રોકાતી અને સેક્સલીલા આચરાચી હતી. પણ આ પછી બ્લેકમેલિંગની વાર્તા શરૂ થતી. ગુજરાતના અનેક ધંધાર્થીઓ ગોવામાં સતત ફસાવાની સાથે તેમની સામે બળાત્કારની સતત ફરિયાદો વધતાં પોલીસને શંકા ગઈ અને તેમણે તપાસ કરતાં આ રેકેટનો પર્દાફાશ થયો. ગોવા પોલીસે આ કેસમાં હવે ઘણા લોકોની ધરપકડ કરી છે. ખરેખર, સેક્સટોર્શનનું આ આંતર-રાજ્ય રેકેટ ઘણા સમયથી ચાલતું હતું. આ અંતર્ગત બ્યુટિશિયન હોવાનો ઢોંગ કરતી મહિલાઓ ડેટિંગ એપ પર બિઝનેસમેન સાથે દોસ્તી કરતી હતી. પછી તેઓ હોટલમાં ધંધાર્થીઓને મળીને સંબંધો બાંધતી અને પછી બ્લેકમેલ કરીને લાખો રૂપિયા વસૂલતી હતી. પોલીસની પ્રાથમિક તપાસમાં ઓછામાં ઓછી 15 મહિલાઓ સામે આવી છે. આમાં એક વકીલ પણ સામેલ છે. આ લોકો ગુજરાતની જેલમાં હત્યાના આરોપમાં જેલમાં બંધ એક મહિલાના આદેશથી કામ કરતા હતા.
તપાસ દરમિયાન પોલીસને જાણવા મળ્યું કે આ ગેંગે ગોવામાં બળાત્કારના ખોટા આરોપોના આધારે ત્રણ કેસ દાખલ કર્યા હતા. પીડિત વ્યાપારીઓ પર બળાત્કારનો કેસ દાખલ કરવામાં આવ્યો હતો જ્યારે તેમને સંબંધો બાંધ્યા બાદ બ્લેકમેલ કરવામાં આવ્યા હતા અને તેઓએ પૈસા આપવાનો ઇનકાર કર્યો હતો. પોલીસે કહ્યું કે ગુજરાતની કેટલીક મહિલાઓએ ઘણી વખત આવી ફરિયાદો નોંધાવી ત્યારે અમને શંકા ગઈ. તમામ મામલામાં તેણીએ આરોપ લગાવ્યો હતો કે તેણી પર બળાત્કાર થયો હતો, પરંતુ તપાસમાં ખોટુ નીકળ્યું હતું. આવા જ એક કેસમાં 22 ઓગસ્ટે એક બ્યુટિશિયન, તેના પિતરાઈ ભાઈ અને ડ્રાઈવર ઉત્તર ગોવાના પોલીસ સ્ટેશન પહોંચ્યા હતા. મહિલાએ આરોપ લગાવ્યો છે કે ઉત્તર ગોવાની એક હોટલમાં ગુજરાતના એક વેપારીએ તેની સાથે બળાત્કાર કર્યો હતો. ત્યારબાદ તે જ દિવસે મહિલાએ પોલીસ સ્ટેશનની બહાર વેપારી સાથે 2 લાખ રૂપિયામાં સમાધાન કરી લીધું હતું. બે દિવસ પછી એ જ લોકો ફરિયાદ કરવા બીજા પોલીસ સ્ટેશન પહોંચ્યા. આ વખતે મહિલાના પિતરાઈ ભાઈએ પીડિતા હોવાનો દાવો કર્યો હતો. બ્યુટિશિયને પોતાનો પરિચય તેના મિત્ર તરીકે આપ્યો. મહિલાએ આરોપ લગાવ્યો હતો કે તે ગોવા આવી રહેલી ફ્લાઈટમાં ગુજરાતના કોન્ટ્રાક્ટરને મળી હતી અને બિઝનેસમેન તેને તે રિસોર્ટમાં લઈ ગયો હતો અને તેની સાથે બળાત્કાર કર્યો હતો.
આ કેસમાં પોલીસે કોન્ટ્રાક્ટરની ધરપકડ પણ કરી હતી, પરંતુ થોડા જ દિવસોમાં ફરી આવો જ એક કિસ્સો સામે આવ્યો હતો અને આરોપી ગુજરાતનો અન્ય એક વેપારી હોવાનું બહાર આવ્યું હતું. આ કેસોની તપાસ ગુજરાતના રહેવાસી કિરણ પટેલ દ્વારા દાખલ કરવામાં આવેલી છેડતીની ફરિયાદ બાદ ગોવા પોલીસે શરૂ કરી હતી, જેમાં આરોપ લગાવવામાં આવ્યો હતો કે જો તે પૈસા ચૂકવશે નહીં તો શકમંદોએ તેને બળાત્કારના કેસમાં ફસાવી દેવાની ધમકી આપી હતી. પોલીસના જણાવ્યા અનુસાર, હેમનાનીએ મહિલાઓની એક ટોળકીનું નેતૃત્વ કર્યું હતું. હરીશ હેમનાની બે મહિનાથી વધુ સમયથી ફરાર હતો અને શનિવારે ગોવા પોલીસે તેને ઝડપી લીધો હતો. તેને સાત દિવસના પોલીસ કસ્ટડીમાં મોકલી આપવામાં આવ્યો છે. “હરીશ પોતે ગોવામાં રહેતો હતો અને પુરુષોને લલચાવવા માટે તેણે જે મહિલાઓને ફસાવી હતી તેનો ઉપયોગ કરીને રેકેટના નેટવર્કનું સંકલન કરી રહ્યો હતો. તે એક મોટા નેટવર્કનો ભાગ હતો અને અમે આ કેસમાં વધુ શકમંદોની શોધમાં છીએ એમ પોલીસ અધિક્ષક (ક્રાઈમ) નિધિન વલસને જણાવ્યું હતું. હરીશ હેમનાની આ કેસમાં પકડાયેલો ચોથો વ્યક્તિ છે. ઓગસ્ટના અંતમાં, ગોવા પોલીસે બે મહિલાઓ સહિત ત્રણ લોકોની ધરપકડ કરી હતી, જેમની સામે બળાત્કારનો કેસ દાખલ કરવાની ધમકી આપીને વેપારીઓ પાસેથી પૈસા પડાવવાનો આરોપ છે.
This content is restricted to site members. If you are an existing user, please log in. New users may register below.
