(GNS),23
વરુણ ધવન અને જાન્હવી કપૂરની ફિલ્મ ‘બવાલ’ને થીયેટરના બદલે ઓટીટી પ્લેટફોર્મ પર સ્ટ્રીમ કરવામાં આવશે. નીતેશ તિવારીએ ડાયરેક્ટ કરેલી આ ફિલ્મને જુલાઈ મહિનામાં એમેઝોન પ્રાઈમ પર રિલીઝ કરવામાં આવશે. મેકર્સે હજુ સુધી માત્ર ફિલ્મનું પોસ્ટર શેર કર્યું છે, પણ ટીઝર બહાર આવ્યું નથી. ટીઝર આવતાં પહેલાં જ ફિલ્મને ચર્ચામાં રાખવા માટે મેકર્સે અનોખું આયોજન કર્યું છે. પ્રખ્યાત એફિલ ટાવર પર બવાલનું પ્રીમિયર કરવાનો નિર્ણય લેવાયો છે. સામાન્ય રીતે બુર્ઝ ખલીફા કે ન્યૂયોર્કના સિટી સ્ક્વેર પર ઘણી ફિલ્મોના પ્રમોશન થતા હોય છે. જો કે એફિલ ટાવર પર પ્રીમિયર થયું હોય તેવી પહેલી ભારતીય ફિલ્મ તરીકે બવાલનું નામ દેખાશે. સૈલે ગુસ્તાવ એફિલમાં મોટા પાયે પ્રીમિયરની તૈયારીઓ શરૂ થઈ ગઈ છે. તેના બેકગ્રાઉન્ડમાં પ્રેમના શહેરની સુંદર ઝાંખી બતાવવામાં આવશે. ફિલ્મના પ્રીમિયરમાં વરુણ ધવન અને જાન્હવી કપૂર ઉપરાંત પ્રોડ્યુસર સાજિદ નડિયાદવાલા અને ડાયરેક્ટર નીતેશ તિવારી પણ હાજર રહેશે. ફ્રાંસના પ્રતિનિધિઓને પણ આમંત્રણ પાઠવવામાં આવ્યું છે. બીજા વિશ્વયુદ્ધના બેકગ્રાઉન્ડમાં ફિલ્મની સ્ટોરી ડેવલપ કરવામાં આવી છે. સાજિદ અને નીતેશે અગાઉ છીછોરે ફિલ્મ બનાવી હતી, જેને નેશનલ એવોર્ડ મળ્યો હતો. બવાલના પ્રીમિયરને યાદગાર બનાવવા માટે એમેઝોનના માધ્યમથી ૨૦૦ દેશમાં એક સાથે તેને બતાવવામાં આવશે.
This content is restricted to site members. If you are an existing user, please log in. New users may register below.
