રોકાણકાર મિત્રો, આનંદ ને…!! તા.૧૩.૦૮.૨૦૨૪ ના રોજ…
બીએસઇ સેન્સેક્સ :- ઇન્ટ્રા ડે ટ્રેડીંગની શરૂઆતે બીએસઇ સેન્સેક્સ આગલા બંધ ૭૯૬૪૮ સામે ૭૯૫૫૨ પોઈન્ટના મથાળેથી ખુલીને નફારૂપી વેચવાલી દ્વારા ૭૮૮૮૯ પોઈન્ટના નીચા મથાળે જોવા મળેલ. સેન્સેક્સ આધારિત શેરોમાં તબક્કાવાર વેચવાલીનો માહોલ જોવા મળ્યો….દિવસ દરમ્યાન સરેરાશ ૮૦૩ પોઈન્ટની મુવમેન્ટ નોંધાવી ભારતીય શેરબજારનો સેન્સેક્સ ૬૯૩ પોઈન્ટના ઘટાડા સાથે ૭૮૯૫૬ પોઈન્ટ બંધ થયેલ..!!!
નિફ્ટી ફ્યુચર :- ઇન્ટ્રા ડે ટ્રેડીંગની શરૂઆતે નિફ્ટી ફ્યુચર આગલા બંધ ૨૪૩૫૬ સામે ૨૪૩૪૯ પોઈન્ટના મથાળેથી ખુલીને સ્ટોક સ્પેશીફીક ઘટાડો નોંધાવી ૨૪૧૨૫ પોઈન્ટના નીચા મથાળા સુધી જોવા મળેલ. નિફ્ટી ફ્યુચર આધારિત શેરોમાં તબક્કાવાર વેચવાલીનો માહોલ જોવા મળ્યો…સરેરાશ ૨૬૫ પોઈન્ટની મુવમેન્ટ નોંધાવી નિફ્ટી ફ્યુચર ૧૯૮ પોઈન્ટના ઘટાડા સાથે ૨૪૧૫૮ પોઈન્ટ બંધ થયેલ..!!!
સ્થાનિક / વૈશ્વિક પરિબળોની વાત કરીએ તો…
ટ્રેડિંગના બીજા દિવસે એટલે કે મંગળવારે શેરબજારમાં નિફ્ટી અને સેન્સેક્સ બંને બેન્ચમાર્ક ઘટાડા સાથે બંધ થયા હતા. ભારતીય શેરબજારમાં મોટો કડાકો નોંધાયો છે.સેન્સેક્સ ૬૯૩ પોઈન્ટના ઘટાળા સાથે ૭૮૯૫૬ પોઈન્ટના સ્તરે બંધ થયો છે,જ્યારે નિફ્ટી ફ્યુચર ઈન્ડેક્સ ૧૯૮ પોઈન્ટના ઘટાળા સાથે ૨૪૧૫૮ પોઈન્ટના સ્તરે બંધ થયો છે.જ્યારે બેન્ક નિફ્ટી ફ્યુચર ઈન્ડેક્સ ૬૩૩ પોઈન્ટના ઘટાળા સાથે ૫૦૦૮૮ પોઈન્ટના સ્તરે બંધ થયો છે.સેન્સેક્સ,નિફટીમાં અસાધારણ વોલેટીલિટીના અંતે નરમાઈ સાથે સ્મોલ, મિડ કેપ શેરોમાં ફંડોની સતત વેચવાલીના દબાણે રોકાણકારોની સંપતિ એટલે કે બીએસઈમાં લિસ્ટેડ કંપનીઓનું એક્ત્રિત માર્કેટ કેપિટલાઈઝેશનમાં ઘટાળો જોવા મળીયો હતો.
આજના ટ્રેડિંગમાં, નિફ્ટી આઈટી એકમાત્ર સેક્ટર હતું જે ૦.૧% ના વધારા સાથે લીલા નિશાનમાં બંધ થયું હતું. આ સિવાય તમામ સેક્ટોરલ ઈન્ડેક્સ લાલ નિશાનમાં બંધ થયા છે.આજના ટ્રેડિંગમાં નિફ્ટીમાં પીએસયુ બેન્ક અને મેટલમાં સૌથી વધુ વેચવાલી નોંધાઈ છે.બેંકિંગ-ફાઈનાન્સ શેરોમાં ફંડોએ આજે ઘટાડે વેલ્યુબાઈંગ કરતાં રિકવરી જોવાઈ હતી.
જૂન મહિનાના ઔદ્યોગિક ઉત્પાદનના પણ આંકડા જાહેર કરવામાં આવ્યા હતા. જૂનમાં મેન્યુફેકચરિંગ સેક્ટરના નબળા દેખાવને પગલે ઔદ્યોગિક ઉત્પાદન ૪.૨%રહ્યું છે,ઉલ્લેખનીય છે કે કન્ઝ્યુમર પ્રાઇસ ઇન્ડેક્સ (સીપીઆઇ) આધારિત રિટેલ ફુગાવો જૂન, ૨૦૨૪માં ૫.૦૮% અને જુલાઇ, ૨૦૨૩માં ૭.૪૪% હતો.જુલાઇમાં ખાદ્ય ફુગાવો ૫.૪૨% નોંધવામાં આવ્યો છે.
ટોપ ગેનર્સમાં ટીવીએસ મોટર્સ,રિલાયન્સ,સન ફાર્મા,એચસીએલ ટેકનોલોજી,ટીસીએસ,ટોરેન્ટ ફાર્મા,હેવેલ્લ્સ,ઔર્બીન્દો ફાર્મા,ટાટા કન્ઝ્યુમર,બેર્જેર પેઈન્ટ્સ,વિપ્રો,શેરો ઉછાળા સાથે બંધ થયા છે.આજના ટોપ લુઝર્સમાં ઓબેરોઈ રીયાલીટી,ગ્રાસીમ,ઈન્ડીગો,લાર્સેન,અદાણી એન્ટર,એસીસી,લ્યુપીન,ડાબર,કોટક મહિન્દ્રા બેન્ક,વોલ્ટાસ,એચડીએફસી બેન્ક,ગ્લેનમાર્ક ફાર્મા,મુથૂટ ફાઈનાન્સ,સ્ટેટ બેન્ક ઓફ ઇન્ડિયા,અદાણી પોર્ટસ,ભારતી ઐરટેલ,બાટા ઇન્ડિયા,એક્સીસ બેન્ક,ટાટા કેમિકલ્સ,જીન્દાલ સ્ટીલ જેવા શેરોમાં ઘટાડો નોંધાયો છે.
બીએસઈમાં કુલ ટ્રેડીંગ થયેલી ૪૦૨૬ સ્ક્રિપોમાંથી ઘટનારની સંખ્યા ૨૬૭૬ અને વધનારની સંખ્યા ૧૨૬૬ રહી હતી, ૮૪ શેરના ભાવમાં કોઈ ફેરબદલ જોવાયો ન હતો.જ્યારે ૦૨ શેરોમાં ઓનલી સેલરની મંદીની નીચલી સર્કિટ સામે ૧૧ શેરોમાં ઓનલી બાયરની તેજીની ઉપલી સર્કિટ રહી હતી.
બજારની ભાવિ દિશા…. મિત્રો,ચોમાસું સફળ નીવડી રહ્યું હોઈ આ પરિબળો મજબૂત હોવા સાથે રિઝર્વ બેંક ઓફ ઈન્ડિયાએ પણ ધિરાણ નીતિ સમીક્ષામાં રેપો રેટ જાળવી રાખીને હાલ સેન્ટીમેન્ટને ડહોળાતું અટકાવ્યું છે. ઈઝરાયેલ-ઈરાન વચ્ચે સીધા યુદ્વનો ખતરો હાલ તુરત ટળતાં જીઓપોલિટીકલ ટેન્શન ગત સપ્તાહમાં હળવું થવાની સાથે અમેરિકામાં મંદીનો હાઉ ગત સપ્તાહમાં ક્ષણિક વૈશ્વિક બજારોને આંચકા આપ્યા બાદ ફરી તેજી જોવાઈ છે. અમેરિકામાં યુ.એસ. ફેડરલ રિઝર્વ પર વ્યાજ દરમાં ઘટાડાનું દબાણ વધતું જોવાયું છે. અમેરિકા માટે અત્યારે આર્થિક મોરચે અનિશ્ચિતતાના દોરમાંથી પસાર થઈ રહ્યું હોઈ અમેરિકી બજારો પણ અનિશ્ચિત ચાલ બતાવી વૈશ્વિક બજારોમાં ઉથલપાથલ સજી રહ્યા છે.વોલેટીલિટી વૈશ્વિક બજારોની સાથે ભારતીય શેર બજારોમાં પણ ગત સપ્તાહમાં અફડાતફડી જોવાઈ અંતે સેન્સેક્સે અને નિફટીએ ઉછાળો આપી શેરોમાં સાર્વત્રિક તેજી લાવી છે. ફોરેન પોર્ટફોલિયો ઈન્વેસ્ટરો (એફપીઆઈઝ) જે શેરોમાં વેચવાલ હતા એ સપ્તાહના અંતે શુક્રવારે નેટ ખરીદદાર બન્યા છે. જ્યારે લોકલ ફંડો-મ્યુચ્યુઅલ ફંડોમાં સિસ્ટેમેટિક ઈન્વેસ્ટમેન્ટ પ્લાન (એસઆઈપી) થકી સતત વહેતાં રિટેલ રોકાણકારોના પ્રવાહના વૃદ્વિના આંકડા સાથે લોકલ ફંડોની શેરોની જંગી ખરીદીએ બજારને મોટો ઉછાળો આપ્યો છે.
Past Performance is not an Indicator of Future Returns. The securities quoted are for illustration only and are not recommendatory. Investment in securities market are subject to market risks. Read all the related documents carefully before investing.
This content is restricted to site members. If you are an existing user, please log in. New users may register below.
