રોકાણકાર મિત્રો, આનંદ ને…!! તા.૨૭.૧૨.૨૦૨૪ ના રોજ…
બીએસઇ સેન્સેક્સ :- ઇન્ટ્રા ડે ટ્રેડીંગની શરૂઆતે બીએસઇ સેન્સેક્સ આગલા બંધ ૭૮૪૭૨ સામે ૭૮૬૦૭ પોઈન્ટના મથાળેથી ખુલીને ૭૮૫૯૮ પોઈન્ટના નીચા મથાળેથી નવી લેવાલી દ્વારા સેન્સેક્સ આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૪૪૪ પોઈન્ટની મુવમેન્ટ નોંધાવી ભારતીય શેરબજારનો સેન્સેક્સ ૨૨૬ પોઈન્ટના ઉછાળા સાથે ૭૮૬૯૯ પોઈન્ટ મજબૂતી સાથે બંધ થયેલ..!!!
નિફ્ટી ફ્યુચર :- ઇન્ટ્રા ડે ટ્રેડીંગની શરૂઆતે નિફ્ટી ફ્યુચર આગલા બંધ ૨૩૯૧૯ સામે ૨૩૯૪૦ પોઈન્ટના મથાળેથી ખુલીને ૨૩૯૨૫ પોઈન્ટના નીચા મથાળેથી નવી લેવાલી દ્વારા નિફ્ટી ફ્યુચર આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૨૦૨ પોઈન્ટની મુવમેન્ટ નોંધાવી નિફ્ટી ફ્યુચર ૭૨ પોઈન્ટના ઉછાળા સાથે ૨૩૯૯૨ પોઈન્ટ આસપાસ મજબૂતી સાથે બંધ થયેલ..!!!
સ્થાનિક / વૈશ્વિક પરિબળોની વાત કરીએ તો…
ભારતીય શેરબજારમાં ગત બે સપ્તાહથી ભારે અફડાતફડીનો માહોલ જોવા મળી રહ્યો છે ત્યારે છેલ્લા બે દિવસ માર્કેટ ઘટાડે બંધ રહ્યા બાદ આજે સપ્તાહના અંતિમ દિવસે વિદેશી સંસ્થાકીય રોકાણકારો, ફોરેન પોર્ટફોલિયો ઈન્વેસ્ટરોની વેચવાલી સામે લોકલ ફંડો – સ્થાનિક સંસ્થાકીય રોકાણકારોની ખરીદીએ ભારતીય શેરબજારમાં ઉછાળો જોવા મળ્યો હતો અને સેન્સેક્સે ફરી ૭૯૦૦૦ પોઈન્ટની અને નિફ્ટી ફ્યુચરએ પણ ૨૪૦૦૦ પોઈન્ટની સપાટી પાર કરી હતી.
ફાર્મા, ઓટો, મીડિયા અને એફએમસીજી શેરોમાં ભારે ખરીદી અને મેઈન બોર્ડ ખાતે આજે પાંચ આઈપીઓનું લિસ્ટિંગ થયું હતું જેમાં મમતા મશીનરીએ અંદાજીત ૧૪૭% પ્રીમિયમે લિસ્ટિંગ થયું હતું આ સાથે ડીએએમ કેપિટલનો ઈશ્યૂ ૩૯%, સનાથન ટેક્સટાઈલ ૨૯.૬૪%, ટ્રાન્સરેલ લાઈટિંગ ૩૫.૪૫% અને કોનકર્ડ એન્વારો ૧૮.૬૯%ના પ્રીમિયમે લિસ્ટિંગ થતા બજારને ટેકો મળ્યો હતો.
કરન્સી માર્કેટની વાત કરીએ તો, આજે રૂપિયા સામે ડોલરના ભાવમાં રેકોર્ડ તેજી આગળ વધતાં રૂપિયામાં નવો કડાકો નોંધાયો હતો. વૈશ્વિક સ્તરે અમેરિકાના બોન્ડની યીલ્ડ વધતાં રૂપિયા સહિત એશિયાની વિવિધ કરન્સીઓ પર નેગેટીવ અસર દેખાઈ હતી. નવા વર્ષમાં અમેરિકામાં વ્યાજના દરમાં ઘટાડાની ગતી ધીમી પડશે એવી શક્યતાએ એશિયાની કરન્સીઓ સામે ડોલર મજબૂત બની રહ્યો છે. ડોલરનો આઉટફલો વધતાં તથા વેપાર ખાધ વધવા ઉપરાંત તાજેતરમાં ફોરેક્સ રિઝર્વમાં પણ પીછેહટ થતાં કરન્સી માર્કેટમાં રૂપિયા પર દબાણ જોવા મળી રહ્યું છે. ઉપરાંત, વૈશ્વિક સ્તરે ક્રૂડતેલના ભાવમાં તેજી જોવા મળતાં તેની અસર રૂપિયાના ભાવ પર જોવા મળી હતી.
બીએસઇ પર મીડકેપ ઈન્ડેક્સ ૦.૦૮% ઘટીને અને સ્મોલકેપ ઈન્ડેક્સ ૦.૨૮% વધીને બંધ રહ્યા હતા. વિવિધ સેક્ટરલ ઈન્ડાયસીસની વાત કરીએ તો બીએસઈ પર મેટલ, પાવર, એનર્જી, કેપિટલ ગુડ્સ, કોમોડિટીઝ, ટેલિકોમ્યુનિકેશન, રિયલ્ટી, સર્વિસીસ, યુટીલીટીઝ, કંઝ્યુમર ડ્યુરેબલ્સ અને ઇન્ડસ્ટ્રીયલ શેરોમાં વેચવાલી જોવા મળી હતી, જ્યારે અન્ય બીજા તમામ સેક્ટરલ ઈન્ડાયસીસ ઉછાળા સાથે બંધ રહ્યા હતા. બીએસઈમાં કુલ ટ્રેડીંગ થયેલી ૪૦૮૮ સ્ક્રિપોમાંથી ઘટનારની સંખ્યા ૨૦૨૬ અને વધનારની સંખ્યા ૧૯૪૮ રહી હતી, ૧૧૪ શેરના ભાવમાં કોઈ ફેરબદલ જોવાયો ન હતો. જ્યારે ૧ શેરોમાં ઓનલી સેલરની મંદીની નીચલી સર્કિટ સામે ૫ શેરોમાં ઓનલી બાયરની તેજીની ઉપલી સર્કિટ રહી હતી.
બજારની ભાવિ દિશા….મિત્રો, વર્તમાન વર્ષમાં દેશનું ફોરેકસ રિઝર્વ ૭૦૫ અબજ ડોલરની નવી ટોચે જોવા મળ્યું હતું, જો કે કેલેન્ડર વર્ષ ૨૦૨૪ના અંતે દેશના એકંદર ફોરેકસ રિઝર્વમાં ટોચેથી ઘટાડો જોવા મળ્યો છે, જ્યારે બીજી તરફ રિઝર્વ બેન્ક ઓફ ઈન્ડિયાના ગોલ્ડ રિઝર્વમાં વધારો થયો છે. અમેરિકન ડોલર સામે રૂપિયામાં નોંધપાત્ર ઘટાડો જોવા મળ્યો છે ત્યારે વર્તમાન વર્ષના નવેમ્બરમાં સતત ૧૧માં મહિને રિઝર્વ બેન્ક દ્વારા સોનાની ખરીદી જળવાઈ રહી હતી. વર્તમાન વર્ષમાં રિઝર્વ બેન્કે કુલ ૭૨.૬૦ ટન ગોલ્ડની ખરીદી કરી છે. સોનાની સતત ખરીદીને પગલે એકંદર રિઝર્વમાં ગોલ્ડ રિઝર્વનો હિસ્સો વધી ૧૦%ને પાર કરી ગયો છે.
ડિસેમ્બર માસના અંતે ફોરેકસ રિઝર્વનો આંક ૬૫૨.૮૬ અબજ ડોલર રહ્યો હતો જેમાં ગોલ્ડ રિઝર્વનો આંક ૬૮.૦૫ અબજ ડોલર રહ્યો હતો, જે કુલ રિઝર્વના ૧૦.૪૨% જેટલો થવા જાય છે. રાજકીય ભૌગોલિક સ્થિતિને ધ્યાનમાં રાખી કોઈપણ નાણાંકીય કટોકટી સામે અર્થતંત્રને ટકાવી રાખવા રિઝર્વ બેન્કે ગોલ્ડ રિઝર્વમાં વધારો કરતા રહેવાનો વ્યૂહ અપનાવ્યો છે. એકંદર ફોરેકસ રિઝર્વમાં ગોલ્ડ રિઝર્વ વધારી રિઝર્વના ઘટકોને મજબૂત બનાવવાનો પણ હેતુ રહેલો છે. અત્રે ઉલ્લેખનિય છે કે ડોલર સામે રૂપિયાના ઘસારાને અટકાવવા રિઝર્વ બેન્કે ડોલરની સતત વેચવાલી કરવાની ફરજ પડી રહી છે. આવી સ્થિતિમાં વિદેશી સંસ્થાકીય રોકાણકારોની ભારતીય ઈક્વિટીસમાં સતત વેચવાલીને ધ્યાનમાં રાખતા દરેક ઉછાળે સાવચેતી જરૂરી બની રહેશે.
This content is restricted to site members. If you are an existing user, please log in. New users may register below.
