નહિ બને ‘બીવી નંબર વન’ની રીમેક

(S.yuLk.yuMk){wtçkE,íkk.27
સિનિયર ફિલ્મ સર્જક ડેવિડ ધવને એવી સ્પષ્ટતા કરી હતી કે મારી અગાઉની હિટ ફ્લ્મિ બીવી નંબર વનની રિમેક હું બનાવી રહ્યો નથી. ‘મારા ધ્યાનમાં એવા મિડિયા રિપોર્ટ લાવવામાં આવ્યા હતા કે હું મારી અગાઉની હિટ ફિલ્મ બીવી નંબર વનની રિમેક વરુણને લઇને બનાવવાનો છું. મારી આવી કોઇ યોજના નથી કે હું રિમેક બનાવતો નથી. મિડિયા રિપોર્ટ ઉપજાવી કાઢેલા છે’ એેમ ડેવિડ ધવને મંગળવારે સ્પષ્ટતા કરતાં કહ્યું હતું. તાજેતરમાં ડેવિડ ધવન નિર્દેશિત અને વરુણ ધવન અભિનિત ફિલ્મ જુડવા ટુ રજૂ થઇ હતી અને માત્ર પાંચ છ દિવસમાં સો કરોડથી વદુ આવક કરીને હિટ નીવડી હતી. આ ફિલ્મ ડેવિડ ધવને ૧૯૯૭-૯૮માં બનાવેલી અને હિટ નીવડેલી જુડવાની રિમેક હતી. મૂળમાં સલમાન ખાને કરેલો રોલ રિમેકમાં વરુણ ધવને કર્યો હતો. ત્યારબાદ એવા અહેવાલો વહેતા થયા હતા કે સલમાન ખાનની અન્ય હિટ ફિલ્મ બીવી નંબર વનની રિમેક પણ ડેવિડ ધવન અભિનેતા પુત્ર વરુણને લઇને બનાવશે. ડેવિડે એ અહેવાલને રદિયો આપ્યો હતો. તેમણે કહ્યું કે ભવિષ્યની કોને ખબર છે, પરંતુ હાલ મારી આવી કોઇ યોજના નથી.