(GNS),03
વરુણ ધવન અને અનુષ્કા શર્માએ ૨૦૧૮ના વર્ષમાં ‘સુઈ ધાગા’માં સાથે કામ કર્યું હતું. તેમની ફિલ્મ બોક્સઓફિસ પર ખાસ ચાલી ન હતી, પરંતુ ઓડિયન્સને તેમની જોડી પસંદ આવી હતી. પાંચ વર્ષ બાદ તેઓ ફરી સાથે ફિલ્મ કરવા તૈયાર થયા છે. સાઉથના જાણીતા ડાયરેક્ટર એટલી ફિલ્મ બનાવવાના છે. એટલી કુમારના ડાયરેક્શનમાં એક્શન-થ્રિલર ફિલ્મનો પ્લાન તૈયાર થયો છે. તેમાં લીડ રોલ વરુણ ધવનનો છે અને તેમની સાથે બે એક્ટ્રેસ છે. એક રોલમાં અનુષ્કા શર્મા ફાઈનલ થઈ છે અને હવે બીજી એક્ટ્રેસી શોધ ચાલી રહી છે.
રિપોર્ટ્સ મુજબ, અનુષ્કા શર્મા સાથે વાતચીત શરૂ કરતાં પહેલા જાન્હવી કપૂરનો એપ્રોચ કરાયો હતો, પરંતુ ડેટ્સ નહીં હોવાથી જાન્હવીએ ફિલ્મ સ્વીકારી નહીં. ત્યારબાદ મેકર્સે અનુષ્કા શર્માનો એપ્રોચ કર્યો. અનુષ્કાને ફિલ્મની સ્ક્રિપ્ટ પસંદ આવી ગઈ અને તેમણે તરત જ ફિલ્મ માટે હા પાડી દીધી. ૨૦૧૬ના વર્ષમાં એટલીએ વિજય થલપતિ અને સામંથા રૂથ પ્રભુ સાથે ‘થેરી’ ફિલ્મ બનાવી હતી. કેટલાક ફેરફાર સાથે હિન્દીમાં તેની રીમેક બનાવવામાં આવશે. વરુણ ધવન છેલ્લે ‘ભેડિયા’માં નજરે પડ્યા હતા. વરુણ ધવનની આગામી ફિલ્મ ‘બવાલ’ છે. જ્યારે અનુષ્કા શર્માની છેલ્લી ફિલ્મ ‘ઝીરો’ ફ્લોપ રહી હતી. પાંચ વર્ષના બ્રેક બાદ અનુષ્કાની ફિલ્મ ‘ચકડા એક્સપ્રેસ’ આવી રહી છે.
This content is restricted to site members. If you are an existing user, please log in. New users may register below.
