તંત્ર દ્વારા કડક કાર્યવાહી કરાતા એકજ અઠવાડિયામાં સતત ત્રીજીવાર ૦૯ વાહનો સહિત કુલ ૧.૮૦ કરોડનો મુદ્દામાલ જપ્ત

(જી.એન.એસ) તા.૨૧

ગાંધીનગર,

કલેક્ટરશ્રી, ગાંધીનગર મેહુલ દવેના માર્ગદર્શન અને મદદનીશ ભુસ્તરશાસ્ત્રી પ્રણવ સિંહની સુચના હેઠળ ગાંધીનગર જીલ્લાના મદદનીશ ભુસ્તરશાસ્ત્રીની કચેરી, ભુસ્તર વિજ્ઞાન અને ખનિજ ખાતું ની ક્ષેત્રીય ટીમ દ્વારા કરવામાં આવતી સતત બિનઅધિકૃત ખનીજ ખનન, વહન અને સંગ્રહ અન્વયેની કામગીરી દરમ્યાન તા.૨૦/૦૧/૨૦૨૫ ના રોજ સાદીરેતી ખનિજના બિનઅધિકૃત ઓવરલોડ વહન કરતા ૦૨ વાહનો જપ્ત કરવામાં આવેલ છે. જેમાં ગાંધીનગર જિલ્લાના ઉવારસદ,  પાસેના કર્ણાવતી યુનિવર્સીટી પાસેથી  ડમ્પર નં- GJ-02-ZZ-1642 માં સાદીરેતી ખનીજનું રોયલ્ટી પાસ કરતા ઓવરલોડ બિનઅધિકૃત વહન કરતા પકડવામાં આવેલ છે. અને ગાંધીનગર પાસેના ઝુંડાલ સર્કલ પાસેથી  ડમ્પર નં- GJ-02-ZZ-8372 માં સાદીરેતી ખનીજ રોયલ્ટી પાસ કરતા વધુ ઓવરલોડ બિનઅધિકૃત વહન કરતા પકડવામાં આવેલ છે. આમ, છેલ્લા ત્રણ દિવસમાં સાદીરેતી તથા સાદી માટી ખનિજના  બિનઅધિકૃત રોયલ્ટી પાસ વગર અને ઓવરલોડ વહન કરતા કુલ ૦૯ વાહનોની આશરે કુલ ૧.૮૦ કરોડનો મુદ્દામાલ જપ્ત કરી વાહનમાલિકો વિરૂધ્ધ ગુજરાત મિનરલ (પ્રિવેન્શન ઓફ ઇલ્લીગલ માઇનીંગ,ટ્રાન્સપોર્ટેશન અને સ્ટોરેજ) નિયમો-૨૦૧૭ ના નિયમો હેઠળ દંડકીય કાર્યવાહી હાથ ધરવામાં આવશે.