જાપાને વિશ્વનું સૌથી મોટું ન્યુક્લિયર ફ્યુઝન રિએક્ટર શરૂ કર્યું

JT-60SA નામનું આ વિશાળ મશીન ટોક્યોની ઉત્તરે નાકામાં એક હેંગરમાં સ્થાપિત

JT-60SA ન્યુક્લિયર રિએક્ટરમાં બે ન્યુક્લિયસનું ફ્યુઝન કરાશે, જે સૂર્યની ઉર્જા ઉત્પાદન ટેકનોલોજી સમાન છે

(જી.એન.એસ),તા.૦૫

ટોક્યો-જાપાન

જાપાને વિશ્વનું સૌથી મોટું ન્યુક્લિયર ફ્યુઝન રિએક્ટર શરૂ કર્યું છે. JT-60SA નામનું આ વિશાળ મશીન ટોક્યોની ઉત્તરે નાકામાં એક હેંગરમાં સ્થાપિત કરવામાં આવ્યું છે. જણાવી દઈએ કે, હાલમાં દુનિયાના તમામ ન્યુક્લિયર પ્લાન્ટ ફ્યુઝન પર ચાલી રહ્યા છે. મીડિયા રિપોર્ટ્સ અનુસાર, તેને એટલા માટે બનાવવામાં આવ્યું છે, કારણ કે મોટા પાયે સુરક્ષિત રીતે અને કાર્બન ફ્રી એનર્જી જનરેટ કરી શકાય. JT-60SA, છ માળનું ઊંચું ટોકમાક, 200 મિલિયન ડિગ્રી સેલ્સિયસ સુધી ગરમ થતા પ્લાઝમાને સમાવવા અને નિયંત્રિત કરવા માટે ડિઝાઇન કરવામાં આવ્યું છે. જે પાછળથી લોકો કે દેશની જરૂરિયાતો અનુસાર મોટા પાયે સ્થાપિત કરી શકાય છે..

EU અને જાપાન વચ્ચેનું આ સંયુક્ત સાહસ હાલમાં ફ્રાન્સમાં નિર્માણાધીન ઇન્ટરનેશનલ થર્મોન્યુક્લિયર એક્સપેરિમેન્ટલ રિએક્ટર (ITER)ના અગ્રદૂત તરીકે કામ કરે છે. બંને પ્રોજેક્ટ વિભાજનથી નેટ એનર્જી લાભો હાંસલ કરવાના મહત્વાકાંક્ષી ધ્યેયને શેર કરશે. આ એક સીમાચિહ્નરૂપ છે જે ઊર્જા પ્રણાલીમાં ક્રાંતિ લાવી શકે છે. JT-60SAના ડેપ્યુટી પ્રોજેક્ટ લીડર સેમ ડેવિસ કહે છે કે, આ મશીન લોકોને ફ્યુઝન એનર્જી તરફ લાવશે. 500 વૈજ્ઞાનિકો અને એન્જિનિયરો તેને બનાવવામાં રોકાયેલા છે. આ યુરોપ અને જાપાનની લગભગ 50 કંપનીઓમાંથી આવી છે. આ વિશ્વમાં સૌથી અદ્યતન ટોકમાક છે. યુનાઇટેડ સ્ટેટ્સમાં નેશનલ ઇગ્નીશન ફેસિલિટી ખાતે ફિશનથી ચોખ્ખી ઉર્જા મેળવવાની શોધ તાજેતરમાં જ પ્રાપ્ત થઈ હતી. જે ફ્યુઝન એનર્જીના ઈતિહાસમાં એક સીમાચિહ્નરૂપ સાબિત થવા જઈ રહ્યું છે.