(GNS),14
શાહરૂખ ખાનની ફિલ્મ ‘જવાન’ના ટીઝરમાં એક વાતે સૌકોઇનું ધ્યાન ખેંચ્યુ છે અને તે છે ફિલ્મની એક્ટ્રેસીસ. એક-બે નહીં ઘણા ખાસ ચહેરા એટલી કુમારની આ ફિલ્મમાં જોવા મળી રહ્યાં છે. ખાસ વાત એ છે કે આ એક્ટ્રેસીસ એક્શન પેક્ડ અવતારમાં જોવા મળી રહી છે. સૌથી પહેલા ફિલ્મની લીડ એક્ટ્રેસ નયનતારાની વાત કરીએ. તે ‘જવાન’ ફિલ્મથી બોલિવૂડમાં ડેબ્યૂ કરી રહી છે. તે કૉપના રોલમાં જોવા મળશે અને તેમાં તેના ઘણા એક્શન સીક્વન્સ છે. તે એટલી કુમારની ફેવરેટ એક્ટ્રેસીસમાંથી એક છે. આ ફિલ્મની બીજી ખાસ એક્ટ્રેસ છે દીપિકા પાદુકોણ. જો કે તેમાં તે કેમિયો કરી રહી છે પરંતુ ટીઝરમાં તેની ઝલક જોઇને લાગી રહ્યું છે કે તે દમદાર અવતારમાં જોવા મળશે. સાથે જ તે શાહરૂખની લકી ચાર્મ પણ માનવામાં આવે છે. તેથી તે આ ફિલ્મમાં અલગ અંદાજમાં જોવા મળશે.
ફિલ્મની ત્રીજી દમદાર એક્ટ્રેસ છે પ્રિયામણિ. પોતાની એક્ટિંગના દમ પર સાઉથ ઇન્ડસ્ટ્રીમાં પોતાના નામનો ડંકો વગાડનાર પ્રિયામણિ પણ ‘જવાન’માં એક્શન રોલમાં જોવા મળશે. આ ઉપરાંત શાહરૂખ સાથે તેનું ખાસ કનેક્શન છે. તે તેની સાથે ફિલ્મ ‘ચેન્નઇ એક્સપ્રેસ’માં ‘વન ટુ થ્રી ફોર…’ સોન્ગમાં જોવા મળી ચુકી છે. ‘દંગલ ગર્લ’ સાન્યા મલ્હોત્રા આ લિસ્ટમાં ચોથુ મોટુ નામ છે. સાન્યાએ ઘણા ઓછા સમયમાં બોલિવૂડમાં પોતાનું અલગ સ્થાન બનાવ્યું છે. તાજેતરમાં જ તે ‘કટહલ’માં જોવા મળી હતી. હવે ‘જવાન’માં તે અલગ જ અંદાજમાં જોવા મળશે. ટીવીની દુનિયાનું જાણીતુ નામ રહેલી રિદ્ધિ ડોગરા પણ ફિલ્મ ‘જવાન’માં ખાસ રોલમાં જોવા મળશે. પોતાના કેરેક્ટરને લઇને હાલ રિદ્ધિએ મૌન સેવી રાખ્યુ છે. સંજીતા ભટ્ટાચાર્ય પણ ‘જવાન’માં ખાસ કેરેક્ટરમાં જોવા મળશે. તે એક્ટર હોવાની સાથે એક ઉમદા સિંગર પણ છે અને તેને ગ્રેમી અવોર્ડ માટે નોમિનેશન પણ મળી ચુક્યું છે. એટલી કુમારની ફિલ્મમાં ઘણા ખાસ ચહેરા જોવા મળશે. તેમાં ગિરિજા ઓક, આલિયા કુરેશી અને લહેર ખાન જેવા નામ સામેલ છે.
This content is restricted to site members. If you are an existing user, please log in. New users may register below.
