(જી.એન.એસ) તા.૧૮

ગાંધીનગર,

ગાંધીનગર મહાનગરપાલિકા દ્વારા વિવિધ સ્થળે વિકાસના કાર્યો ચાલી રહેલ છે. જે અંતર્ગત ભાટ ખાતેના ફાયર સ્ટેશનની મેયરશ્રી મીરાબેન પટેલ એ મુલાકાત લીધી હતી. ત્યારબાદ ભાટ ખાતે આવેલ રૂ. 16.50 કરોડના ખર્ચે નિર્મિત 33.08 MLD ક્ષમતાના વોટર ડિસ્ટ્રીબ્યુશન સેન્ટર, ત્યારબાદ ભાટ ખાતે 38.05 MLD ટર્મિનલ સિવરેજ પંપીંગ સ્ટેશન,અને કોટેશ્વરમાં ટીપી 48 ખાતે આવેલ 14.19 MLD ક્ષમતાના સિવરેજ પંપીંગ સ્ટેશન (SPS) અને રિફયુઝ ટ્રાન્સફર સ્ટેશન (RTS) ની મુલાકાત લીધી. આ દરમિયાન તમામ કામગીરીનું નિરીક્ષણ કરીને અધિકારીઓ કર્મચારીઓને કામગીરી ઝડપથી પૂર્ણ કરવા અને ફાયર સ્ટેશન ખાતે ગ્રાઉન્ડ ફ્લોર ઉપર સેફટી ગ્રીલની હાઈટ વધારવા સૂચન આપ્યું.RTS ની  કામગીરી પૂર્ણ થયાથી ડોર ટુ ડોર એકત્રિત કરેલા ઘન કચરાનો વૈજ્ઞાનિક ઢબે નિકાલ કરવામાં આવશે.સીવરેજ પંપીંગ સ્ટેશનથી ભાટ, કોટેશ્વર ગામતળ તેમજ ટીપીના વિસ્તારમાં ગંદુ પાણી એકત્રિત કરીને વૈજ્ઞાનિક ઢબે નિકાલ કરવામાં આવશે.