ચૂંટણી સંદર્ભે જોડાયેલ અન્ય વ્યવસ્થાઓ અને પૂર્વ તૈયારીઓનું નિરીક્ષણ કરી ચૂંટણી સ્ટાફને જરૂરી માર્ગદર્શન પૂરું પાડ્યું
(જી.એન.એસ) તા. 7
ગાંધીનગર,
આગામી સમયમાં યોજાનાર માણસા નગરપાલિકાની ચૂંટણી 2025 તથા આમજા તાલુકા પંચાયતની પેટા ચૂંટણીની તૈયારીઓની સમીક્ષા કરતા જિલ્લા ચૂંટણી અધિકારી અને કલેક્ટર શ્રી ગાંધીનગર મેહુલ કે. દવે દ્વારા સ્થળ મુલાકાત યોજવામાં આવી હતી.
ગાંધીનગર જિલ્લા ચૂંટણી અધિકારી અને કલેકટરશ્રી ગાંધીનગર મેહુલ કે.દવે દ્વારા માણસા નગરપાલિકા સામાન્ય ચૂંટણી તેમજ આમજા તાલુકા પંચાયત સીટ પેટા ચૂંટણી સંદર્ભે માણસા કોલેજ ખાતે સ્ટ્રોંગ રૂમ, રીસીવિંગ ડિસ્પેચિંગ સેન્ટર અને કાઉન્ટિંગ હોલની રૂબરૂ મુલાકાત લેવામાં આવી હતી. આ મુલાકાત અંતર્ગત ચૂંટણી અધિકારી અને પ્રાંત અધિકારી શ્રી કલોલ અને મદદનીશ ચૂંટણી અધિકારી અને મામલતદાર શ્રી માણસા પણ હાજર રહી મતદાન મથક ની મુલાકાત લીધી હતી.
ઉપરાંત કલેકટર શ્રી ગાંધીનગર તથા જિલ્લા ચૂંટણી અધિકારી શ્રી મેહુલ કે દવે દ્વારા ચૂંટણી સંદર્ભે જોડાયેલ અન્ય વ્યવસ્થાઓ જેવી કે મતદાન મથકે આપવાની થતી સામગ્રી માટેની પૂર્વ તૈયારીઓનું નિરીક્ષણ તેમજ માણસા નગરપાલિકા મમાં ચૂંટણી સંદર્ભે જોડાયેલ સ્ટાફને જરૂરી માર્ગદર્શન પૂરું પાડ્યું હતુ.
This content is restricted to site members. If you are an existing user, please log in. New users may register below.
