(GNS),26
ફિલ્મ મેકર કરણ જોહરે સિનેમા ક્ષેત્રે ૨૫ વર્ષ પૂર્ણ કર્યા છે. આ સાથે ગુરુવારે તેમનો ૫૧મો જન્મદિન પણ હતો. આ પ્રસંગે કરણે પોતાના ફેન્સને ખાસ સરપ્રાઈઝ આપતાં આગામી ફિલ્મ રોકી ઔર રાની કી પ્રેમ કહાની નો ફર્સ્ટ લૂક સોશિયલ મીડિયા પર શેર કર્યો છે. જેમાં આલિયા ભટ્ટ અને રણવીર સિંહની પહેલી ઝલક જોવા મળે છે. ધર્મા પ્રોડક્શન્સે શેર કરેલા ફર્સ્ટ લૂકમાં રણવીર સિંહના કેરેક્ટરનો રસપ્રદ પરિચય અપાયો છે. પોસ્ટમાં ફિલ્મ અને રણવીરની વાત કરતાં લખ્યું છે, યારોં કા યાર, હર અવતાર મૈં શાનદાર અને આ પ્રેમ કહાનીનો દિલદાર. રોકીને મળો.
રોકી ઔર રાની કી પ્રેમ કહાની, સિનેમામાં કરણ જોહરના ૨૫ વર્ષ પૂરા થવાના પ્રસંગે ૨૮ જુલાઈથી થીયેટરમાં. આલિયા ભટ્ટના કેરેક્ટર અંગે પોસ્ટમાં લખ્યું છે, દિલોને ધડકાવવા આવી રહી છે આ પ્રેમ કહાનીની રાની. આલિયાએ પણ પોતાના સોશિયલ મીડિયા એકાઉન્ટ પર ફર્સ્ટ લૂક શેર કર્યો છે. કરણ જોહરની ફિલ્મ રોકી ઔર રાની કી પ્રેમ કહાની અંગે લાંબા સમયથી ચર્ચા ચાલી રહી છે. આ ફિલ્મમાં દિગ્ગજ કલાકાર ધર્મેન્દ્ર પણ મહત્ત્વના રોલમાં છે. આલિયા ભટ્ટ અને રણવીર સિંહે અગાઉ ‘ગલી બોય’માં સાથે કામ કર્યું હતું. આ ફિલ્મ બોક્સઓફિસ પર સુપરહિટ સાબિત થઈ હતી. બીજી ફિલ્મમાં આ જોડી કેટલો કમાલ કરી શકે છે તે જોવું રહ્યું.
This content is restricted to site members. If you are an existing user, please log in. New users may register below.
