અમદાવાદ શહેરની માધ્યમિક, ઉચ્ચત્તર માધ્યમિક શાળાઓમાં 18 વર્ષથી ઉપરની વયના ભૂતપૂર્વ વિદ્યાર્થીઓએ અચૂક મતદાનના શપથ લીધા

*જિલ્લા શિક્ષણાધિકારી કચેરી, અમદાવાદ શહેર દ્વારા યુવાઓમાં મતદાર જાગૃતિના સક્રિય પ્રયાસો

*35,475 યુવાઓએ અવશ્ય મતદાન કરવાની બતાવી તૈયારી

(જી.એન.એસ),તા.૦૨

અમદાવાદ,

જિલ્લા શિક્ષણાધિકારી કચેરી અમદાવાદ શહેર દ્વારા  માધ્યમિક અને ઉ.માધ્યમિક શાળાઓમાં અભ્યાસ કરી ગયેલા ભૂતપૂર્વ 18 વર્ષથી ઉપરની વયના હોય અને પહેલી વખત મતદાન કરવાના હોય તેવા ભૂતપૂર્વ વિદ્યાર્થીઓને શાળા આચાર્યશ્રી દ્વારા બોલાવી શાળા કક્ષાએ સન્માન સમારંભ રાખી મતદાન જાગૃતિનું મહત્વ સમજાવવામાં આવ્યું હતું તથા સામુહિક રીતે સૌને ફરજિયાત મતદાનન શપથ લેવડાવવામાં આવ્યા હતા.

અમદાવાદ શહેરની માધ્યમિક અને ઉચ્ચતર માધ્યમિક બધી શાળાઓ મળીને અંદાજિત 35,475 ભૂતપૂર્વ વિધાર્થીઓએ પોતાની શાળાઓમાં પધારીને અવશ્ય મતદાન કરવાના શપથ લીધા હતા અને અન્ય તેમની વયના મિત્રોને પણ મતદાન આપવા પ્રોત્સાહિત કરશે એવી પ્રતિજ્ઞા લીધી હતી.