રોકાણકાર મિત્રો, આનંદ ને…!! તા.૨૩.૧૨.૨૦૨૦ ના રોજ…..
સેન્સેક્સ :- ઇન્ટ્રા ડે ટ્રેડીંગની શરૂઆતે બીએસઇ સેન્સેક્સ આગલા બંધ ૪૬૦૦૬.૬૯ સામે ૪૬૦૭૨.૩૦ પોઈન્ટના મથાળેથી ખુલીને ૪૫૮૯૯.૧૦ પોઈન્ટના નીચા મથાળે થી નવી લેવાલી દ્વારા સેન્સેક્સ આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૬૧૪.૨૨ પોઈન્ટની મુવમેન્ટ નોંધાવી ભારતીય શેરબજારનો સેન્સેક્સ ૪૩૭.૪૯ પોઈન્ટના ઉછાળા સાથે ૪૬૪૪૪.૧૮ પોઈન્ટ મજબૂતી સાથે બંધ થયેલ..!!!
નિફ્ટી ફ્યુચર :- ઇન્ટ્રા ડે ટ્રેડીંગની શરૂઆતે નિફ્ટી ફ્યુચર આગલા બંધ ૧૩૪૮૭.૫૦ સામે ૧૩૪૭૯.૮૫ પોઈન્ટના મથાળેથી ખુલીને ૧૩૪૪૮.૦૦ પોઈન્ટના નીચા મથાળે થી નવી લેવાલી દ્વારા નિફ્ટી ફ્યુચર આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૧૭૯.૫૦ પોઈન્ટની મુવમેન્ટ નોંધાવી નિફ્ટી ફ્યુચર ૧૩૧.૫૫ પોઈન્ટના ઉછાળા સાથે ૧૩૬૧૯.૦૫ પોઈન્ટ આસપાસ મજબૂતી સાથે બંધ થયેલ..!!!
સ્થાનિક / વૈશ્વિક પરિબળોની વાત કરીએ તો…
સોમવારના કડાકા પછી સતત સપ્તાહના ત્રીજા દિવસે ભારતીય શેરબજારમાં બે તરફી અફડાતફડી સાથે તેજી તરફી ચાલ જોવા મળી હતી. યુકે સહિત યુરોપમાં કોરોનાના નવા સ્ટ્રેઈનમાં પણ કોરોનાની રસી અસરકારક નીવડશે તેવા અહેવાલોને પગલે બજારને રાહત થઈ હતી. બીજી તરફ અમેરિકામાં પણ અંદાજીત ૯૦૦ અબજ ડોલરના સ્ટીમ્યુલસને હાઉસ ઓફ રેપ્રઝેન્ટેટિવની મંજૂરી મળી જતા પોઝિટિવ અસરે ભારતીય શેરબજારમાં લેવાલી સાથે માર્કેટ બ્રેડ્થ પોઝિટિવ જોવા મળી હતી.
નવા સ્વરૂપમાં જોવા મળેલા આ બીમારી વધુ જીવલેણ હોવાના અહેવાલ વહેતા થતા સોમવારે બજારમાં મોટું કરેક્શન જોવાયા બાદ યુરોપમાં જર્મનીની ફાર્મા કંપની બાયોએનટેકે દ્વારા બ્રિટનમાં નવા સ્વરૂપમાં જોવા મળેલા કોરોનામાં પણ તેની રસી કારગત નિવડશે તેવી કંપનીની જાહેરાત બાદ યુરોપના બજારોમાં રિકવરી આવી હતી જેની વૈશ્વિક બજારોની સાથે ભારતીય શેરબજાર પર પોઝિટિવ અસર જોવા મળી હતી.
બીએસઈ પર મીડકેપ ઈન્ડેક્સ ૨.૪૦% અને સ્મોલકેપ ઈન્ડેક્સ ૨.૬૫% વધીને બંધ રહ્યા હતા. વિવિધ સેક્ટરલ ઈન્ડાયસીસની વાત કરીએ તો બીએસઈ પર સેક્ટરલ ઈન્ડાયસીસમાં બેઝિક મટિરિયલ્સ, સીડીજીએસ, એફએમસીજી, હેલ્થકેર, ઈન્ડસ્ટ્રિયલ્સ, આઈટી, ટેલિકોમ, મેટલ, ઓઈલ એન્ડ ગેસ, રિયલ્ટી અને ટેક શેરોમાં ભારે લેવાલી જોવા મળી હતી, જ્યારે જ્યારે બીજા તમામ સેક્ટરલ ઈન્ડાયસીસમાં પણ લેવાલી જોવા મળી હતી. બીએસઈમાં કુલ ટ્રેડીંગ થયેલી ૩૦૯૭ સ્ક્રિપોમાંથી ઘટનારની સંખ્યા ૬૬૧ અને વધનારની સંખ્યા ૨૨૮૭ રહી હતી, ૧૪૯ શેરના ભાવમાં કોઈ ફેરબદલ જોવાયો ન હતો. જ્યારે ૨૦૫ શેરોમાં ઓનલી સેલરની મંદીની નીચલી સર્કિટ સામે ૪૦૮ શેરોમાં ઓનલી બાયરની તેજીની ઉપલી સર્કિટ રહી હતી.
મિત્રો, અગાઉ જણાવ્યાં મુજબ માર્કેટ ઓવરબોટ ઝોનમાં હતું તેથી સોમવારે દર્શાવેલ કરેક્શન અનિવાર્ય હતું. અમેરિકાની સંસદે કોરોના મહામારીના કારણે આર્થિક સંકટનો સામનો કરી રહેલા કરોડો અમેરિકનો અને બિઝનેસને સહાય આપવા માટે અંદાજીત ૯૦૦ અબજ ડોલરના મહાકાય કોરોના સ્ટિમ્યુલસ પેકેજ જાહેર કરતાં ગત સપ્તાહે ૨.૫ વર્ષનું તળિયું બનાવીને બાઉન્સ થયેલો ડોલર ઇન્ડેક્સ સોમવારે ભારતીય શેરબજારમાં એફ્આઈઆઈની વેચવાલીનું કારણ બન્યો હતો મારા મતે જો ડોલર ઇન્ડેક્સ સુધારો જાળવી રાખશે તો આગામી દિવસોમાં આઈટી અને ફાર્મા જેવા નિકાસકર્તા ક્ષેત્રોને લાભ મળતો જોવા મળશે. ફોરેન ફંડોએ એક તરફ શેરોમાં અવિરત રોજબરોજ મોટી ખરીદી કરી રહ્યા છે જ્યારે સ્થાનિક ફંડોનું એકતરફી વેચવાલી નોંધાવી રહ્યા છે, આ દરમિયાન હવે આગામી દિવસોમાં ૨૫,ડિસેમ્બર ૨૦૨૦ના શુક્રવારે ક્રિસમસ નિમિતે ભારતીય શેરબજાર બંધ રહેનાર છે જેથી આ ટૂંકા ટ્રેડિંગ સપ્તાહમાં ફોરેન પોર્ટફોલિયો ઈન્વેસ્ટરોના સતત થઈ રોકાણ પ્રવાહ પર નજર સાથે કોરોના મામલે વેક્સિનેશનના ડેવલપમેન્ટ તેમજ આંતરરાષ્ટ્રીય મોરચે અમેરિકી ડોલર સામે રૂપિયા સહિતની મૂલ્યમાં વધઘટ અને વૈશ્વિક બજારોની ચાલ પર ભારતીય શેરબજારની નજર રહેશે.
This content is restricted to site members. If you are an existing user, please log in. New users may register below.
