Home વ્યાપાર જગત વૈશ્વિક સ્તરે અનેક સાનુકૂળ પરિબળો પાછળ ભારતીય શેરબજારમાં નીચા મથાળેથી નવી લેવાલી...

વૈશ્વિક સ્તરે અનેક સાનુકૂળ પરિબળો પાછળ ભારતીય શેરબજારમાં નીચા મથાળેથી નવી લેવાલી નોંધાતા ૬૩૮ પોઈન્ટનો પ્રત્યાઘાતી ઉછાળો…!!

SHARE

રોકાણકાર મિત્રો, આનંદ ને…!! તા.૨૨.૦૭.૨૦૨૧ ના રોજ…..

સેન્સેક્સ :- ઇન્ટ્રા ડે ટ્રેડીંગની શરૂઆતે બીએસઇ સેન્સેક્સ આગલા બંધ ૫૨૧૯૮.૫૧ સામે ૫૨૪૯૪.૫૬ પોઈન્ટના મથાળેથી ખુલીને ૫૨૪૭૧.૨૩ પોઈન્ટના નીચા મથાળે થી નવી લેવાલી દ્વારા સેન્સેક્સ આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૩૯૬.૦૩ પોઈન્ટની મુવમેન્ટ નોંધાવી ભારતીય શેરબજારનો સેન્સેક્સ ૬૩૮.૭૦ પોઈન્ટના ઉછાળા સાથે ૫૨૮૩૭.૨૧ પોઈન્ટ મજબૂતી સાથે બંધ થયેલ..!!!

નિફ્ટી ફ્યુચર :- ઇન્ટ્રા ડે ટ્રેડીંગની શરૂઆતે નિફ્ટી ફ્યુચર આગલા બંધ ૧૫૬૩૭.૨૦ સામે ૧૫૭૦૦.૦૫ પોઈન્ટના મથાળેથી ખુલીને ૧૫૭૦૦.૦૫ પોઈન્ટના નીચા મથાળે થી નવી લેવાલી દ્વારા નિફ્ટી ફ્યુચર આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૧૨૮.૭૫ પોઈન્ટની મુવમેન્ટ નોંધાવી નિફ્ટી ફ્યુચર ૧૮૬.૨૫ પોઈન્ટના ઉછાળા સાથે ૧૫૮૨૩.૪૫ પોઈન્ટ આસપાસ મજબૂતી સાથે બંધ થયેલ..!!!

સ્થાનિક / વૈશ્વિક પરિબળોની વાત કરીએ તો…

વૈશ્વિક બજારોમાં અમેરિકન બજાર પાછળ એશીયા, યુરોપના દેશોના બજારોમાં તેજી નોંધાતા આજે ભારતીય શેરબજારમાં જોરદાર ઉછાળો નોંધાયો હતો. અમેરિકામાં ટ્રેઝરી યીલ્ડમાં વધારા સાથે કોર્પોરેટ પરિણામો પ્રોત્સાહક આવવાના પોઝિટીવ અંદાજો તેમજ આર્થિક મોરચે વિસ્તરણ હજુ ઊંચા સ્તરે જોવાઈ રહ્યું હોઈ ફંડોએ શેરોમાં તેજી કરી હતી. કોરોનાના ડેલ્ટા વેરિએન્ટના વધતાં જતાં કેસોના નેગેટીવ પરિબળને અવગણીને આજે ભારતીય શેરબજાર નોંધપાત્ર ઉછાળા સાથે બંધ રહ્યું હતું.

યુરોપીયન સેન્ટ્રલ બેંકના રેટ વ્યાજ દર મામલે આજરોજ નિર્ણય અને અમેરિકાના વર્તમાન હોમ વેચાણના જાહેર થનારા આંકડા પૂર્વે યુરોપ, અમેરિકા, એશીયાના દેશોના બજારોમાં તેજી રહી હતી. યુરોપના દેશોમાં કોરોનાની ત્રીજી લહેરમાં કેસો ઝડપી વધી રહ્યાના નેગેટીવ પરિબળ છતાં કોર્પોરેટ પરિણામો પ્રોત્સાહક રહેવાના પોઝિટીવ પરિબળે અને યુ.એસ. ફેડરલ રિઝર્વની મોનીટરી પોલીસીમાં ઢીલની સાથે આર્થિક વિસ્તાર ઉચ્ચ સ્તરે આગળ વધી રહ્યો હોઈ ઈન્વેસ્ટરોએ ઘટાડે શેરોમાં ખરીદીની તક ઝડપવા લાગતાં સેન્ટીમેન્ટ સુધર્યું હતું.

બીએસઇ પર મીડકેપ ઈન્ડેક્સ ૧.૪૯% અને સ્મોલકેપ ઈન્ડેક્સ ૧.૫૨% વધીને બંધ રહ્યા હતા. વિવિધ સેક્ટરલ ઈન્ડાયસીસની વાત કરીએ તો બીએસઈ પર માત્ર એફએમસીજી શેરોમાં વેચવાલી જોવા મળી હતી, જ્યારે અન્ય બીજા તમામ સેક્ટરલ ઈન્ડાયસીસ ઉછાળા સાથે બંધ રહ્યા હતા. બીએસઈમાં કુલ ટ્રેડીંગ થયેલી ૩૩૮૭ સ્ક્રિપોમાંથી ઘટનારની સંખ્યા ૧૦૬૧ અને વધનારની સંખ્યા ૨૧૮૫ રહી હતી, ૧૪૧ શેરના ભાવમાં કોઈ ફેરબદલ જોવાયો ન હતો. જ્યારે ૨૧૫ શેરોમાં ઓનલી સેલરની મંદીની નીચલી સર્કિટ સામે ૫૨૫ શેરોમાં ઓનલી બાયરની તેજીની ઉપલી સર્કિટ રહી હતી.

બજારની ભાવિ દિશા…. મિત્રો, વૈશ્વિક સ્તરે ડેલ્ટા વેરિએન્ટ વાયરસના આતંક વચ્ચે ભારતીય કંપનીઓ દ્વારા વિતેલા જૂન માસ દરમિયાન વિદેશમાં ગત વર્ષની તુલનાએ બમણું રોકાણ કરાયું હોવાના અહેવાલો છે. વિતેલા જૂન માસ દરમિયાન ભારતીય કંપનીઓએ વિદેશમાં અંદાજીત ૨.૮૦ અબજ ડોલરનું રોકાણ કર્યું હતું. જે ગત વર્ષના જૂન માસ દરમિયાન ૧.૩૯ અબજ ડોલર રોકાણ થયું હતું. જૂન માસ દરમિયાન ભારતીય કંપનીઓ દ્વારા વિદેશમાં થયેલ રોકાણ પૈકી ૧.૧૭ અબજ ડોલર ગેરંટી સ્વરૂપે ૧.૨૧ અબજ ડોલર લોન અને ૪૨.૬૮ કરોડ ડોલર શેર મૂડીના સ્વરૂપે હતું.

ઉપલબ્ધ ડેટા અનુસાર શેરબજારમાં વધેલી વોલેટીલીટી વચ્ચે વિદેશી પોર્ટફોલિયો રોકાણકારો દ્વારા જુલાઈ માસના પ્રથમ પખવાડિયામાં બજારમાંથી રૂ.૪૫૧૫ કરોડ પાછાં ખેંચ્યા છે. જો કે, તેઓએ બોન્ડ માર્કેટમાં રૂ.૩૦૩૩ કરોડનું રોકાણ કરતા તેઓએ નેટ રૂ.૧૪૮૨ કરોડ પાછા ખેંચ્યા હતા. ગત જૂન માસમાં તેઓએ ભારતીય બજારમાં રૂ.૧૩૨૬૯ કરોડ ઠાલવ્યા હતા. કોર્પોરેટ પરિણામોની જૂન ૨૦૨૧ના અંતના પ્રથમ ત્રિમાસિકના પરિણામોમાં હવે આગામી દિવસોમાં જાહેર થનારા પ્રમુખ કંપનીઓના પરિણામો પર નજર રહેશે. જેમાં ૨૩, જુલાઈ ૨૦૨૧ના અંબુજા સિમેન્ટ અને જેએસડબલ્યુ સ્ટીલના જાહેર થનારા રિઝલ્ટ પર નજર રહેશે.

Print Friendly, PDF & Email