એન્ફોર્સમેન્ટ ડિરેક્ટોરેટની પૂછપરછમાં જેકલીનનો વધુ એક ખુલાસો બહાર આવ્યો

(જી.એન.એસ),તા.૨૫

નવીદિલ્હી

જેક્લીનની સુકેશ સાથેની તસવીરો સો.મીડિયામાં લીક થઈ હતી. ત્યારબાદ જેક્લીને પર્સનલ સ્પેસમાં દખલગિરી ના કરવાની વિનંતી કરી હતી. એન્ફોર્સમેન્ટ ડિરેક્ટોરેટની પૂછપરછમાં સુકેશે કહ્યું હતું કે તે તથા જેકલીન વચ્ચે સંબંધો હતા. આ જ કારણે તેને મોંઘી ગિફ્ટ આપી હતી. આ કેસ સાથે જેક્લીનને કોઈ જ લેવા-દેવા નથી. ઠગ સુકેશ ચંદ્રશેખરના મની લોન્ડ્રિંગ કેસમાં રોજ નવા નવા ઘટસ્ફોટ થઈ રહ્યાં છે. હાલમાં જ જેકલીને ડિરેક્ટોરેટ ઓફ એન્ફોર્સમેન્ટની પૂછપરછમાં કહ્યું હતું કે તે અને સુકેશ રિલેશનમાં હતાં. એક્ટ્રેસે એમ પણ કહ્યું હતું કે સુકેશે ડાયમંડ રિંગ સાથે તેને પ્રપોઝ કર્યું હતું. એક્ટ્રેસે પૂછપરછમાં કહ્યું હતું કે તેણે સુકેશ પાસેથી કરોડોની ગિફ્ટ લીધી હતી, કારણ કે તેમની વચ્ચે સંબંધો હતા. સુકેશે ડાયમંડ રિંગ સાથે તેને પ્રપોઝ કરી હતી. આ રિંગ પર J તથા S અક્ષરો હતા. ઉલ્લેખનીય છે કે સુકેશે જેકલીનને એસ્પુએલા નામનો ઘોડો, મોંઘી 3 ડિઝાઇનર બેગ, જિમ વેર, બ્રાન્ડેડ શૂઝ તથા હીરાની બે જોડી બુટ્ટી, બ્રેસલેટ તથા મિની કૂપર કાર ભેટમાં આપી હતી.