જર્મનીના રાષ્ટ્રપતિ તરીકે ફરી ફ્રેક્ર વોલ્ટર સ્ટીનમીયર ચુંટાયા

(જી.એન.એસ),તા.૧૪

જર્મની

૨૦૧૭માં રાષ્ટ્રપતિ બનતા પહેલા, તેઓ ચાન્સેલર તરીકે એન્જેલા મર્કેલના કાર્યકાળ દરમિયાન વિદેશ પ્રધાન હતા. તે પહેલા તેઓ ચાન્સેલર ગ્રેહાર્ડ શ્રોડરના ચીફ ઓફ સ્ટાફ હતા. જર્મનીમાં, રાષ્ટ્રપતિ પાસે કારોબારી સત્તા નથી, પરંતુ તે એક મહત્વપૂર્ણ નૈતિક સત્તા છે. જર્મનીની સૌથી મોટી વિપક્ષી પાર્ટી ક્રિશ્ચિયન ડેમોક્રેટિક યુનિયન અને તેની સાથે જાેડાયેલા ક્રિશ્ચિયન સોશિયલ યુનિયને પણ કહ્યું કે, તેઓ સ્ટીનમીયરની પુનઃ ચૂંટણીને સમર્થન કરશે. જર્મન ચાન્સેલર ઓલાફ સ્કોલ્ઝ રશિયા અને યુક્રેન વચ્ચેના તણાવને ઘટાડવાના પ્રયાસોના ભાગરૂપે આવતા અઠવાડિયે બંને દેશોની મુલાકાત લેશે. સ્કોલ્ઝની મુલાકાત એવા સમયે આવી છે જ્યારે પશ્ચિમી ગુપ્તચર અધિકારીઓએ યુક્રેન પર રશિયન હુમલાની ચેતવણી આપી છે અને જર્મનીએ તેના નાગરિકોને યુક્રેન છોડવા કહ્યું છે. સ્કોલ્ઝ સોમવારે યુક્રેનના રાષ્ટ્રપતિને મળવા માટે કિવ જશે અને મંગળવારે રશિયાના રાષ્ટ્રપતિને મળવા માટે મોસ્કો જશે. મુલાકાત માટે જતા પહેલા, તેમને ફરીથી રશિયન હુમલાની સંભાવના વિશે ચેતવણી આપવામાં આવી હતી અને રાજદ્વારી પ્રયાસો ચાલુ રાખવા માટે વિવિધ રીતે હાકલ કરવામાં આવી હતી. સ્કોલ્ઝે શુક્રવારે જર્મન સંસદના ઉપલા ગૃહમાં જણાવ્યું હતું કે, અમે યુરોપમાં હુમલાઓ બંધ કરીએ તેની ખાતરી કરવાનું અમારું કામ છે. આને ધ્યાનમાં રાખીને અમે રશિયાને સ્પષ્ટ સંદેશ આપ્યો છે કે કોઈપણ સૈન્ય આક્રમણના રશિયા માટે ભયંકર પરિણામ આવશે. તે જ સમયે, સંવાદની તમામ શક્યતાઓનું અન્વેષણ કરવું મહત્વપૂર્ણ છે, સ્કોલ્ઝે જણાવ્યું હતું.સ્પેશિયલ પાર્લામેન્ટરી એસેમ્બલી દ્વારા રવિવારે જર્મનીના રાષ્ટ્રપતિ ફ્રેન્ક વોલ્ટર સ્ટીનમીયરને આગામી પાંચ વર્ષ માટે ફરીથી રાષ્ટ્રપતિ તરીકે ચૂંટવામાં આવ્યા હતા. પ્રમુખ પદની બીજી મુદત માટે, તેમના નામને મોટાભાગના મુખ્ય પ્રવાહના રાજકીય પક્ષોએ મંજૂરી આપી હતી. જર્મનીની સંસદના નીચલા ગૃહના સભ્યો અને ૧૬ પ્રાંતોના પ્રતિનિધિઓની બનેલી વિશેષ એસેમ્બલી દ્વારા સ્ટીનમીયરને બીજી મુદત માટે પ્રમુખ તરીકે ચૂંટવામાં આવ્યા હતા. ચૂંટાયા બાદ સ્પેશિયલ એસેમ્બલીને પોતાના સંબોધનમાં સ્ટીનમીયર કહ્યું કે, મારી જવાબદારી એ તમામ લોકો પ્રત્યે છે જેઓ આ દેશમાં રહે છે. પક્ષની ભાવનાથી ઉપર ઉઠીને, હા પણ લોકશાહીની વાત આવે ત્યારે હું તટસ્થ નથી. જે પણ લોકશાહી માટે લડશે મને તેની સાથે મળશે. જે કોઈ તેના પર હુમલો કરશે તે મને વિરોધી તરીકે જાેશે.