જામનગરમાં વધુ એક બિલ્ડિંગનો ભાગ ધરાશાયી થવાની ઘટના
(જી.એન.એસ) તા. 4
જામનગર,
ગુજરાતમાં છેલ્લા ઘણા દિવસોથી બરાબર વરસાદી માહોલ જામી રહ્યો છે. આ દરમિયાન રાજ્યમાં બિલ્ડિંગ ધરાશાયી થવાની ઘટનાઓ પણ સામે આવી રહી છે ત્યારે જામનગરમાં વધુ એક બિલ્ડિંગનો ભાગ ધરાશાયી થયો હોવાની ઘટના સામે આવી છે. જેમાં એક વ્યક્તિનું મોત થયું છે. જામનગરની ન્યુ સાધના કોલોની આવાસના 3 માળના બીલ્ડીંગનો એક ભાગ ધરાશાયી થયો હોવાની ઘટના સામે આવી છે. વહેલી સવારે બ્લોક પડતા ફસાયેલ 1 વ્યકિત બહાર કાઢવામાં આવેલ અને ફાયરની ટીમે કાટમાળ હટાવી વ્યક્તિને બહાર કાઢી હોસ્પિટલ ખસેડાયો હતો. જેમનું સારવાર દરમિયાન મોત થયું છે. ન્યુ સાધના કોલોની આવાસની બિલ્ડિંગનો ભાગ ધરાશાયી થવાની ઘટનાને લઈને મેયર સહિતના પદાધિકારીઓ, ડેપ્યુ.મ્યુનિ.કમિશનર સહિતના અધિકારીઓ સ્થળ પર તાબડતોડ પહોંચ્યા હતા અને આસપાસના જર્જરિત બ્લોકમાં વસવાટ કરતા લોકોને સલામત સ્થળે ખસેડવા તંત્રની કામગીરી શરૂ કરવામાં આવી છે. ગત વર્ષે આ વિસ્તારમાં એક બ્લોક ધરાશાહયી થતા એક જ પરિવારના 3 લોકોના મૃત્યું થયાં હતાં, જો કે ચોમાસા પૂર્વે અહીં જર્જરીત હાલતમાં આવાસ તંત્ર દ્વારા ખાલી કરાવ્યા હતા.
This content is restricted to site members. If you are an existing user, please log in. New users may register below.
