(જી.એન.એસ) તા. 10
અમદાવાદ,
ગુજરાત કોંગ્રેસ પ્રદેશ પ્રભારી મુકુલ વાસનિક ત્રણ દિવસના ગુજરાત પ્રવાસે છે. આ પ્રવાસ દરમિયાન કોંગ્રેસ નેતા અમદાવાદ જિલ્લા, સુરેન્દ્રનગર, બનાસકાંઠા, કચ્છ અને મોરબીમાં કારોબારી બેઠકમાં ભાગ લેશે. અમદાવાદ પહોંચી તેમણે મીડિયાને જણાવ્યું હતું કે, સંગઠનને ગુજરાતમાં કેવી રીતે તૈયાર કરવાનું છે ? એ સંદેશ રાહુલ ગાંધીએ આપી દીધો છે. રાહુલ ગાંધીએ ભરોસો આપ્યો છે કે એમની ઉમ્મીદ પૂર્ણ કરવા કામ થશે. ત્રણ દિવસ જિલ્લા કારોબારીમાં જઈને સંગઠન અંગે ચર્ચા કરીશું. તેમણે આગળ કહ્યું કે, વર્ષ 2027 ની વિધાનસભા ચૂંટણીને ધ્યાને રાખીને કામ કરવામાં આવશે.
ગુજરાત કોંગ્રેસ પ્રભારી મુકુલ વાસનિકે વધુમાં કહ્યું હતું કે, ગુજરાત રાજ્યમાં બનેલી ઘટનાઓમાં લોકોને હજી સુધી ન્યાય મળ્યો નથી. અમારો સંઘર્ષ સત્તામાં આવવાનો નથી, પરંતુ ગુજરાતમાં ન્યાય સંગત રાજનીતિ કેવી હોય એના માટે પ્રયત્ન કરી રહ્યા છીએ. આ સાથે તેમણે અમદાવાદમાં કોંગ્રેસ કાર્યાલય પર પથ્થરમારાની ઘટના બાદ કોંગ્રેસ કાર્યકરોમાં નારાજગી હોવા અંગે કહ્યું કે, જે ખબર આવી રહી છે એનો કોઇ આધાર નથી. ભાજપની કરતૂતનો વિરોધ થવાના બદલે કોંગ્રેસ સામે આંગળી ચિંધવી અયોગ્ય છે. કોંગ્રેસના તમામ નેતાઓને સહયોગ આપવામાં આવી રહ્યો છે. આ સાથે તેમણે સવાલ કર્યો કે આ ઘટના બાદ સ્વયં રાહુલ ગાંધી અમદાવાદ આવે એ શું ઓછું છે ? જ્યુડિશિયલ કસ્ટડીમાં કે જેને સમસ્યા થઈ છે એમને તમામ પ્રકારે મદદ પણ કરવામાં આવશે.
This content is restricted to site members. If you are an existing user, please log in. New users may register below.
