વડોદરા પોલીસને મળી મોટી સફળતા
(જી.એન.એસ) તા. 21
વડોદરા,
વડોદરાના એસઓજી પોલીસની ટીમને પ્રતિબંધિત નશાનો કાળાકારોબાર કરનાર વ્યક્તિને પકડવામાં સફળતા મળી છે. રણોલી વિસ્તારમાં એક ભાડાના મકાનમાં પરિવાર સાથે રહેતા શખ્સ પાસેથી સ્પેશિયલ ઓપરેશન ગ્રુપ, વડોદરા એસઓજી પોલીસની ટીમ દ્વારા નશાકારક હેરોઇનનો જથ્થો ઝડપી પાડવામાં આવ્યો છે. ગત રાત્રે કરેલી કાર્યવાહીમાં આરોપીને તેના ઘરેથી જ દબોચી લેવામાં સફળતા મળી છે. એસઓજી પોલીસ દ્વારા આ મામલે વધુ કાર્યવાહી હાથ ધરવામાં આવી રહી છે. અને તમામ પાસાઓને ધ્યાને રાખીને તપાસ આગળ વધારવામાં આવી છે. રણોલી વિસ્તારમાં આવેલા અક્ષર રેસીડેન્સીના સી ટાવરમાં દરોડો પાડવામાં આવ્યો હતો. આ દરોડામાં પોલીસે પરિવાર સાથે ભાડે રહેતા શખ્સ પાસેથી હેરોઇનનો જથ્થો પકડી પાડ્યો છે. અને આરોપીની અટકાયત કરી છે. આરોપી પરિવાર સાથે અહિંયા ભાડે રહેતો હોવાનું હાલ તબ્કકે જાણવા મળી રહ્યું છે. વડોદરા એસઓજીના પોલીસ ઇન્સ્પેકટર એ જણાવ્યું હું કે, શહેરના રણોલી વિસ્તારમાંથી બાજસિંગ સરદાર પાસેથી 40 ગ્રામ જેટલો હેરોઇનનો જથ્થો મળી આવ્યો છે. આજે એસઓજીની ટીમ દ્વારા રેડ કરવામાં આવી હતી. આ જથ્થો ક્યાંથી લાવ્યા અને કોને આપવાના હતા, તેવા તમામ પાસાઓ પર વધુ તપાસ હાથ ધરવામાં આવનાર છે. પકડાયેલ શખ્સ હાલ ભાડાના મકાનમાં રહેતો હતો. તેવી પ્રાથમિક માહિતી સામે આવી હતી. તે અહિંયા પતિ-પત્ની પરિવાર સાથે રહેતા હતા.
This content is restricted to site members. If you are an existing user, please log in. New users may register below.
