(જી.એન.એસ) તા. 17
બૉલીવુડના પ્રખ્યાત ડાઇરેક્ટર કબીર ખાનના ડાઇરેક્શન હેઠળ બનેલી અભિનેતા કાર્તિક આર્યનની ફિલ્મ ચંદુ ચેમ્પિયન સિનેમાઘરોમાં લોકોને ખૂબ પસંદ આવી રહી છે. આ ફિલ્મમાં કાર્તિક આર્યન મુરલીકાન્ત પેટકરની ભૂમિકા ભજવી રહ્યા છે. આ ફિલ્મમાં કબીર ખાન અને કાર્તિક આર્યન પ્રથમ વખત એકસાથે કામ કરી રહ્યા છે. એટલે માટે સૌને આ ફિલ્મથી ખૂબ જ આશા હતી. ફિલ્મના રિવ્યૂઝ જોતા લાગી રહ્યું છે કે ફિલ્મ આ બાબતે લોકોને પસંદ પણ આવી રહી છે. આ ફિલ્મ સાથે કબીર ખાન અને કાર્તિક આર્યન જેવા મોટા નામ જોડાયેલ હોય ત્યારે તે ફિલ્મની કમાણી ઉપર સૌની નજર હોય છે. તમને જાણીને નવાઈ લાગશે કે કોરોના પછી રિલીઝ થયેલી કાર્તિક આર્યનની ફિલ્મોમાં ચંદુ ચેમ્પિયનનું ઓપનિંગ ડે કલેક્શન અત્યાર સુધીનું સૌથી ઓછું છે. જોકે બીજા અને ત્રીજા દિવસે ફિલ્મની કમાણીમાં જોરદાર ઉછાળો જોવા મળ્યો હતો. ચાલો જાણીએ ફિલ્મે અત્યાર સુધીમાં કેટલી કમાણી કરી છે. ત્રણ દિવસમાં ફિલ્મની કુલ કમાણી 21.75 કરોડ રૂપિયા પર પહોંચી ગઈ છે. આવનારા સમયમાં આ ફિલ્મ આનાથી વધુ કમાણી કરી શકે તેવી આશા છે. આ ફિલ્મને હાલ હોરર કોમેડી ફિલ્મ મુંજયા ને સિનેમાઘરોમાં ટક્કર આપતી દેખાઈ રહી છે.
ફિલ્મ ચંદુ ચેમ્પિયન એક બાયોપિક ફિલ્મ છે. આ ફિલ્મમાં કાર્તિક આર્યનએ ભારતના પ્રથમ પેરાલિમ્પિક ગોલ્ડ મેડલ વિજેતા મુરલીકાંત પેટકરની ભૂમિકા ભજવી છે. કાર્તિક આર્યન ઉપરાંત, ફિલ્મમાં ભુવન અરોરા, યશપાલ શર્મા, રાજપાલ યાદવ, અનિરુદ્ધ દવે, વિજય રાઝ, પલક લાલવાણી અને ભાગ્યશ્રી બોરસે પણ છે.
This content is restricted to site members. If you are an existing user, please log in. New users may register below.
