(જી.એન.એસ) તા. 4
નાસિક,
ભારતીય વાયુસેનાનું સુખોઈ-30 એમકેઆઈ ફાઈટર એરક્રાફ્ટ મહારાષ્ટ્રના નાસિકમાં ક્રેશ થયું છે. આ એરક્રાફ્ટ રિનોવેશન માટે હિન્દુસ્તાન એરોનોટિક્સ લિમિટેડ પાસે હતું. વિમાનના બંને પાયલોટ બહાર કાઢવામાં સફળ રહ્યા હતા અને તેઓ સુરક્ષિત છે. સંરક્ષણ અધિકારીઓએ આ માહિતી આપી છે, નાસિક રેન્જના વિશેષ મહાનિરીક્ષક ડીઆર કરાલેના જણાવ્યા અનુસાર, સુખોઈ-30 એમકેઆઈ વિમાનના પાયલટ અને સહ-પાયલટ સુરક્ષિત રીતે બહાર આવી ગયા છે. વિમાન શિરસગાંવ ગામ પાસે એક ખેતરમાં પડ્યું હતું. એચએએલ અને ભારતીય વાયુસેના દ્વારા અકસ્માતની તપાસના આદેશ આપવામાં આવ્યા છે.
સુખોઈ-30 એમકેઆઈ એ રશિયન મૂળનું ટ્વીન-સીટર ટ્વીન એન્જિન મલ્ટીરોલ ફાઇટર જેટ છે. તે 8,000 કિલોના બાહ્ય શસ્ત્ર લઈ જવા સક્ષમ છે. ભારતીય વાયુસેના પાસે 260 થી વધુ સુખોઈ-30 એમકેઆઈ છે. તે કોઈપણ પ્રકારના હથિયારથી સજ્જ થઈ શકે છે. આ વિમાનોને વર્ષ 2002માં વાયુસેનાના કાફલામાં સામેલ કરવામાં આવ્યા હતા. સુખોઈ-30 હવાથી જમીન અને હવાથી હવામાં વારાફરતી લક્ષ્યો પર હુમલો કરી શકે છે. આ એરક્રાફ્ટ સૌથી શક્તિશાળી ફાઈટર પ્લેનમાંથી એક છે. સુખોઈ-30 એમકેઆઈ 3,000 કિમી સુધી હુમલો કરવામાં સક્ષમ છે.
This content is restricted to site members. If you are an existing user, please log in. New users may register below.
