(જી.એન.એસ) તા. 3
ભારતીય ક્રિકેટ ટીમના એક સમયના સુપર ફિનિશર કેદાર જાધવે ક્રિકેટના તમામ ફોર્મેટમાંથી નિવૃત્તિ લેવાની જાહેરાત કરી દીધી છે. 39 વર્ષીય કેદારે 3 જૂન સોશિયલ મીડિયા પર પોસ્ટ કરીને આ માહિતી આપી હતી. કેદાર જાદવે ભારત માટે તેની છેલ્લી મેચ ફેબ્રુઆરી 2020માં ન્યુઝીલેન્ડ સામે રમી હતી. કેદાર જાધવે X પર લખ્યું, મારી કારકિર્દી દરમિયાન પ્રેમ અને સમર્થન માટે આપ સૌનો આભાર. 3 વાગ્યાથી મને ક્રિકેટના તમામ ફોર્મેટમાંથી નિવૃત્ત ગણવામાં આવશે. કેદારે તેના ઈન્સ્ટાગ્રામ એકાઉન્ટ પર પણ લખ્યું છે કે 3 વાગ્યાથી મને ક્રિકેટના તમામ ફોર્મેટમાંથી નિવૃત્ત માનવામાં આવે છે. કેદારે તેની ક્રિકેટ કારકિર્દીની તસવીરો પણ શેર કરી, જેની પૃષ્ઠભૂમિમાં ‘જિંદગી કે સફર મેં ગુઝર જાતે હે જો મકામ…’ ગીત વાગી રહ્યું હતું. કેદાર જાધવની નિવૃત્તિએ અમને ભૂતપૂર્વ ભારતીય કેપ્ટન એમએસ ધોનીની યાદ અપાવી. ધોનીએ 15 ઓગસ્ટ 2020ના રોજ આવી જ રીતે આંતરરાષ્ટ્રીય ક્રિકેટમાંથી નિવૃત્તિ લીધી હતી. ત્યારબાદ ધોનીએ ઈન્સ્ટાગ્રામ પર લખ્યું, તમારા પ્રેમ અને સમર્થન માટે ખૂબ ખૂબ આભાર. મને 5:29 વાગ્યાથી નિવૃત્ત ગણવામાં આવશે. ત્યારે ધોનીએ તેની કારકિર્દીની સોનેરી તસવીરો શેર કરી હતી અને તેનું પ્રિય ગીત ‘મૈં પલ દો પલ કા શાયર હૂં’ બેકગ્રાઉન્ડમાં વાગી રહ્યું હતું.
This content is restricted to site members. If you are an existing user, please log in. New users may register below.
