(જી.એન.એસ) તા. 23
હારીજ,
લાંચિયા લોકોને રંગે હાથ પકડવામાં એસીબીને મળી છે મોટી સફળતા, જમીન વેચાણની નોંધ મંજુર કરાવવા માટે એક વ્યક્તિ પાસેથી રૂ.30,000 ની લાંચ લેતા બે શખ્સોની એન્ટી કરપ્શન બ્યુરો (એસીબી)એ ધરપકડ કરી હતી. આ બનાવની વિગત મુજબ આ કેસના ફરિયાદીના સંબંધીએ પોતાની જમીન વેચી હોવાથી આ જમીનની વેચાણ નોંધ મંજુર કરાવવી હતી. આ માટે સર્કલ ઓફિસર વતી રમેશ ડી.અખાણીએ રૂ.60,000 ની લાંચ માંગી હતી. જોકે ફરિયાદીએ આ અંગે એસીબીમાં ફરિયાદ નોંધાવતા અધિકારીઓએ હારીજ પાલિકા કોમ્પ્લેક્સ ખાતે ફરિયાદીની દુકાનમાં જાળ બિછાવી હતી. જેમાં આરોપી રમેશ અખાણીએ ફરિયાદી સાથે વાતચીત કરી હતી. બાદમાં અન્ય આરોપી વિપુલ પી.પરમારે રૂ. 30,000ની લાંચ સ્વીકારતા અધિકારીઓના હાથે ઝડપાઈ ગયા હતા.
This content is restricted to site members. If you are an existing user, please log in. New users may register below.
