ચિરાગ શેટ્ટી અને સાત્વિક સાઈરાજની જોડીએ થાઇલેન્ડ ઓપન સુપર બેડમિંટન જીતી

ખિલાડીઓ દ્વારા ફરી એક વાર આંતરરાષ્ટ્રીય ફલક પર ભારત દેશનું નામ રોશન કર્યું

(જી.એન.એસ) તા. 19

બેંગકોક,

સ્ટાર ભારતીય જોડી ચિરાગ શેટ્ટી અને સાત્વિક સાઈરાજ રેન્કીરેડ્ડી એ બેંગકોકમાં થાઈલેન્ડ ઓપન સુપર 500 બેડમિન્ટન ટૂર્નામેન્ટમાં ચીનના ચેન બો યાંગ અને લિયુ યી સામે સીધી ગેમમાં જીત મેળવીને મેન્સ ડબલ્સ ટાઈટલ જીત્યું. આ વિજયના પગલે તેમને પેરિસ ઓલિમ્પિક પહેલા મોટું પ્રોત્સાહન મળ્યું હતું, સાથેજ બન્ને ખિલાડીઓ એ ભારત દેશનું ગૌરવ વધાર્યું છે.

ચિરાગ અને સાત્વિક ની જોડી, વિશ્વની ત્રીજા નંબરની જોડીએ તેમના નવમા બીડબલ્યુએફ વર્લ્ડ ટૂર ટાઇટલ માટે 29મા ક્રમે રહેલા લિયુ અને ચેન પર 21-15, 21-15થી વિજય મેળવ્યો હતો. માર્ચમાં ફ્રેન્ચ ઓપન સુપર 750માં વિજય મેળવ્યા બાદ એશિયન ગેમ્સ ચેમ્પિયન્સ માટે ટી સિઝનનું બીજું ટાઇટલ પણ હતું. તેઓ મલેશિયા સુપર 1000 અને ઈન્ડિયા સુપર 750માં પણ રનર્સ અપ રહ્યા હતા.

“બેંગકોક હંમેશા અમારા માટે ખાસ રહ્યું છે, અમે અહીં 2019 માં અમારું પહેલું સુપર સિરીઝ ટાઇટલ જીત્યું અને થોમસ કપ પણ જીત્યો, તેથી તે એક ખાસ સ્થળ છે અને અહીં આવીને ખૂબ જ ખુશ છે,” ચિરાગે જીત પછી કહ્યું. સાત્વિક અને ચિરાગ માટે, આ ખિતાબ તેમની કારકિર્દીના મુખ્ય તબક્કે આવે છે કારણ કે તેઓએ છેલ્લી બે ટુર્નામેન્ટમાં થોડું ઓછું વળતર આપ્યું હતું.

ભારતીય જોડી ઓલ ઈંગ્લેન્ડ ચેમ્પિયનશીપમાં બીજા રાઉન્ડમાં હારી ગઈ હતી અને ત્યારબાદ સાત્વિકની ઈજાને કારણે એશિયા ચેમ્પિયનશીપમાંથી બહાર થઈ થઈ ગયો હતો.  થોમસ કપ અભિયાન પણ તેઓ નિષ્ફળ ગયા હતા, કારણ કે તેઓ ટોચની જોડી સામે કેટલીક ક્લોઝ મેચ હારી ગયા હતા. સાત્વિક અને ચિરાગ થાઈલેન્ડ ઓપનની ફાઇનલમાં એકપણ ગેમ ગુમાવ્યા વિના આવ્યા હતા અને ટાઇટલ જીતવા માટે ફેવરિટ હતા, જ્યારે લિયુ અને ચેને પણ આ મેચોમાં કેટલીક અદભૂત જીત મેળવી હતી અને તેઓ ક્યારેય ફાઇનલમાં હાર્યા ન હોવાનો રેકોર્ડ ધરાવતા હતા.