(જી.એન.એસ) તા. 13
આઈપીએલ ફ્રેન્ચાઇઝી રાજસ્થાન રોયલ્સ માટે એક મોટા આઘાતજનક સમાચાર આવ્યા છે. તેમની ટીમના સ્ટાર ઓપનિંગ બેટ્સમેન જોસ બટલરે ટીમને મોટો ઝટકો આપ્યો છે. સૂત્રો દ્વારા મળતા સમાચાર મુજબ બટલર આઈપીએલ 2024માં રાજસ્થાન માટે બાકીની મેચો નહીં રમે. ટૂંક સમયમાં જ પાકિસ્તાન અને ઈંગ્લેન્ડ વચ્ચે 4 ટી-20 મેચોની શ્રેણી શરૂ થવા જઈ રહી છે, જેમાં રમવા માટે બટલરે આઈપીએલ 2024માંથી પોતાનું નામ પાછું ખેંચી લીધું છે. ઈંગ્લેન્ડ અને પાકિસ્તાન વચ્ચે 22 મેથી 30 મે સુધી 4 ટી-20 મેચો રમાવાની છે. તે પછી ટી-20 વર્લ્ડ કપ શરૂ થશે.
જોસ બટલરે આ ચાલુ આઈપીએલ 2024 ની સીઝનમાં 11 મેચ રમી છે. જેમાં તેણે 359 રન બનાવ્યા છે. તેણે બે સદી ફટકારી છે. તેણે 36 ફોર અને 12 ગગનચુંબી છગ્ગા માર્યા છે.
જો કે, રાજસ્થાન રોયલ્સ ફ્રેન્ચાઈઝીએ તેના ઓફિશિયલ ‘X’ એકાઉન્ટ પરથી એક વીડિયો શેર કર્યો છે, જેમાં જોસ બટલર હોટલમાંથી બહાર નીકળતો જોવા મળે છે. તેણે તેના સાથી ખેલાડીઓને ગળે લગાવ્યા અને કારમાં બેઠા પછી તેણે રાજસ્થાન રોયલ્સને ટ્રોફી જીતવા માટે શુભેચ્છા પાઠવી. બટલરની વિદાયનો આ વીડિયો પણ ઈમોશનલ છે કારણ કે બેકગ્રાઉન્ડમાં ‘મૈનુ વિદા કરો’ ગીત વાગી રહ્યું છે. વીડિયોની સાથેના કેપ્શનમાં લખવામાં આવ્યું છે કે દરેક જોસ ભાઈને ખૂબ જ મિસ કરશે.
This content is restricted to site members. If you are an existing user, please log in. New users may register below.
