રાજ્યના બોર્ડ- નિગમો છેલ્લા બે વર્ષમાં રૂપિયા ૧૧૬૭.૪૩ કરોડની રકમ લોન પેટે તેમજ સહાય પેટે ૩૯.૧૪ કરોડ આપવામાં આવ્યા – સામાજિક ન્યાય અને અધિકારીતા રાજ્યમંત્રી શ્રી ભીખુસિંહ પરમાર

(જી.એન.એસ),તા.૧૯

ગાંધીનગર,

સામાજિક ન્યાય અને અધિકારીતા રાજ્યમંત્રી શ્રી ભીખુસિંહ પરમાર જણાવ્યું છે કે રાજ્યના બોર્ડ- નિગમોને વર્ષ ૨૦૨૧-૨૨ અને વર્ષ ૨૦૨૨-૨૩માં રૂપિયા ૧૧૬૭.૪૩ કરોડની રકમ લોન પેટે આપવામાં આવી છે તેમજ સહાય પેટે ૩૯.૧૪ કરોડ આપવામાં આવ્યા છે.

રાજ્યના બોર્ડ નિગમોમાં આપવામાં આવતી લોન અંગેના પ્રશ્નોના ઉત્તરમાં વણવપરાયેલ રકમના ઉત્તરમાં મંત્રીશ્રીએ જણાવ્યું કે અરજદારો દ્વારા સાધનિક પુરાવાઓ સમયસર ના આવવાથી રકમ વણ વપરાયેલ રહે છે. બોર્ડ – નિગમો ની યોજનાઓનો લાભાર્થીઓ વઘુ લાભ લે તે માટે જાહેરાત આપી ઓનલાઇન અરજીઓ મેળવવામાં આવે છે .