સંયુક્ત રાષ્ટ્રનું મોટું નિવેદન, ભારતની મહત્વપૂર્ણ ભૂમિકાનો સ્વીકાર કરતા કહી સ્પષ્ટ વાત

સંયુક્ત રાષ્ટ્ર મહાસભાના 78માં સત્રના અધ્યક્ષ ડેનિસ ફ્રાંસિસે સંયુક્ત રાષ્ટ્રમાં ભારતની મહત્વપૂર્ણ ભૂમિકાનો સ્વીકાર કરતા તેને પરિપક્વ, ખૂબ જ સન્માનિત સભ્ય અને વિવિધ પાસાઓમાં અગ્રણી ગણાવ્યું

(જી.એન.એસ),તા.૨૫

સંયુક્ત રાષ્ટ્ર મહાસભાના 78માં સત્રના અધ્યક્ષ ડેનિસ ફ્રાંસિસે સંયુક્ત રાષ્ટ્રમાં ભારતની મહત્વપૂર્ણ ભૂમિકાનો સ્વીકાર કરતા તેને પરિપક્વ, ખૂબ જ સન્માનિત સભ્ય અને વિવિધ પાસાઓમાં અગ્રણી ગણાવ્યું છે. તેમણે યૂએનજીએના અંદર દેશની વિશ્વસનીયતા અને પ્રભાવને ઓળખતા સુરક્ષા પરિષદમાં સ્થાયી સીટ પ્રાપ્ત કરવાની ભારતની ક્ષમતા વિશે પણ આશા વ્યક્ત કરી છે. યૂએનજીએ અધ્યક્ષ બુધવારે રાષ્ટ્રીય રાજધાનીમાં એક પત્રકારે સંમેલનને સંબોધન કરી રહ્યા હતા. જ્યારે તેમણે દુનિયાના સૌથી મોટો લોકતંત્રની સુરક્ષા પરિષદમાંથી ગેરહાજરી પર સવાલો ઊભા કર્યા હતા. ફ્રાંસિસે સુરક્ષા પરિષદની જુની સંરચના વિશે પણ ચિંતા વ્યક્ત કરતા માન્યું કે, હાલમાં ભૂ રાજનીતિક વાસ્તવિકતાઓને પ્રતિબંબિત કરવામાં નિષ્ફળ રહ્યું છે. આંતરરાષ્ટ્રીય શાંતિ અને સુરક્ષા માટે મહત્વપૂર્ણ નિર્ણય લેવામાં પરિષદની અસમર્થતા પર પ્રકાશ પાડતા તેમણે કહ્યું કે, સંયુક્ત રાષ્ટ્રની સુરક્ષા પરિષદ જે રીતે હાલમાં અસ્તિત્વમાં છે, તે વિશ્વ ઈતિહાસના એ કાળની યાદ અપાવે છે, જે હવે અસ્તિત્વમાં જ નથી. ત્યારથી દુનિયા મૌલિક રીતે બદલાઈ ગઈ છે.  

યૂએનએસસીની ભૂમિકા ખૂબ જ મહત્વની થઈ જાય છે. ખાસ કરીને તે સમય જ્યારે ભૂ રાજનીતિક પ્રભાવોના કારણે વીટોનો ઉપયોગ થાય છે. તેમણે કહ્યું કે, આ મામલાનો તથ્ય એ છે કે પરિષદ, હાલના વર્ષોમાં આંતરરાષ્ટ્રીય શાંતિ અને સુરક્ષાને મજબૂત કરવામાં સહાયતા અને સમર્થન કરવા માટે જરુરી નિર્ણય લેવામાં ઉત્તરોત્તર અસમર્થ રહ્યું છે. મોટા પાયા પર ભૂ રાજનીતિક કારણોથી. ભૂ-રાજનીતિક, વૈશ્વિક ગતિશીલત ભૂ રાજનીતિ, પરિષદમાં આયાતિત થઈ જાય છે અને તેના પરિણામસ્વરુપ હંમેશા એક અથવા બીજા પક્ષ દ્વારા વીટોનો ઉપયોગ થાય છે. એએનઆઈના જણાવ્યા અનુસાર, યૂએનએસસીમાં ભારતને સામેલ કરવાના સવાલ પર યૂએનજીએ અધ્યક્ષે કહ્યું કે, ભારત સંયુક્ત રાષ્ટ્રનું એક પરિપક્વ, વધારે સન્માનિત સભ્ય છે. તે કેટલીય રીતે એક મહત્વનો લીડર દેશ છે અને મને વિશ્વાસ છે કે, આ તથ્ય જનરલ અસેંબલીના સભ્યોને નથી ખબર. એટલા માટે હું ઈચ્છુ છું કે સરકાર અને ભારતના લોકો સ્થાયી આધાર પર પરિષદનું સભ્યપદ ગ્રહણ કરવા માટે પોતાના પ્રયાસોમાં સફળ થાય. આવું થાય છે કે નહીં તે સભ્યોએ નક્કી કરવાનું છે.