બડે મિયાં છોટે મિયાંનું ટિઝર થશે રિલીઝ

(જી.એન.એસ),તા.૧૯

અક્ષય કુમાર અને ટાઈગર શ્રોફની મોસ્ટ અવેટેડ ફિલ્મ બડે મિયાં છોટે મિયાંને લઈને એક શાનદાર અપડેટ સામે આવ્યું છે. રિપોર્ટ્સનું માનીએ તો ફિલ્મનું ટીઝર 24 જાન્યુઆરીએ રિલીઝ થશે. તમને જણાવી દઈએ કે હૃતિક રોશનની ફિલ્મ ફાઈટર 25 જાન્યુઆરીએ રિલીઝ થઈ રહી છે અને આવી સ્થિતિમાં અક્ષયે પોતાની ફિલ્મના ટીઝર સાથે ચાહકોમાં હલચલ મચાવવા માટે એક શાનદાર પ્લાન બનાવ્યો છે.  ડિરેક્ટર અલી અબ્બાસ ઝફર ડિસેમ્બર 2023 થી તેની એક્શન પેક્ડ ફિલ્મ બડે મિયાં છોટે મિયાંના ટીઝર પર કામ કરી રહ્યા હતા. પિંકવિલાના લેટેસ્ટ રિપોર્ટનું માનીએ તો, અલી અબ્બાસ ઝફરની બડે મિયાં, છોટે મિયાંના નિર્માતાઓ 24મી ફેબ્રુઆરીએ ફિલ્મનું પહેલું ટીઝર રિલીઝ કરશે, જે 100 સેકન્ડનું હશે. દિગ્દર્શક અલી અબ્બાસ ઝફરે બડે મિયાં, છોટે મિયાંને ખૂબ મોટા પાયે શૂટ કર્યું છે, જેના કારણે દર્શકો તેનું ટીઝર જોવા માટે ઉત્સાહિત છે. ત્યારે આજે ફિલ્મના ટિઝરને લઈને મોટું અપડેટ સામે આવ્યું છે અને તે 24 જાન્યુઆરીના રોજ રિલીઝ થશે.

આ ટીઝરમાં દર્શકોને જબરદસ્ત એક્શન સીન્સ અને ફની ડાયલોગ્સની ઝલક જોવા મળશે. અભિનેતા ટાઈગર શ્રોફ અને અક્ષય કુમારની બડે મિયાં, છોટે મિયાં આ વર્ષે ઈદના અવસર પર સિનેમાઘરોમાં આવશે. જેકી ભગનાનીના બેનર હેઠળ બનેલી બડે મિયાં, છોટે મિયાં એક મેગા બજેટ એક્શન મૂવી છે, જેના કારણે મેકર્સ તેને મોટા અવસર પર રિલીઝ કરવા માંગે છે. જો ફિલ્મ સાથે જોડાયેલા સૂત્રોનું માનીએ તો, બંને લીડ સ્ટાર્સ અક્ષય કુમાર અને ટાઈગર શ્રોફ ટીઝરમાં નવા અવતારમાં જોવા મળશે. જોકે, ફિલ્મના વિલન પૃથ્વીરાજ સુકુમારનના લુકને લઈને કોઈ અપડેટ જાહેર કરવામાં આવ્યું નથી. સૂત્રનું કહેવું છે કે આ એક આકર્ષક અને વિસ્ફોટક ટીઝર છે. તમને જણાવી દઈએ કે ફિલ્મના અત્યાર સુધીમાં 3 ગીતો શૂટ થઈ ચૂક્યા છે. બડે મિયાં છોટે મિયાં 6 મહિના પછી મોટા પડદે હિટ થનારી અક્ષય કુમારની પહેલી ફિલ્મ હશે, જેમાં તેની ખિલાડી સ્ટાઈલ દર્શાવવામાં આવશે. આ ફિલ્મમાં સોનાક્ષી સિન્હા, માનુષી છિલ્લર, આલિયા એફ મુખ્ય ભૂમિકામાં છે.