વિકસિત ભારત સંકલ્પ યાત્રા અંતર્ગત ગાંધીનગર ના માણસા તાલુકાનાં રાજપુરા ગામે રથનું ઉષ્માભર્યું સ્વાગત કરવામાં આવ્યું હતું

(જી.એન.એસ),તા.૧૭

ગાંધીનગર,

વિકસિત ભારત સંકલ્પ યાત્રા અંતર્ગત ગાંધીનગર ના માણસા તાલુકાનાં રાજપુરા ગામે ખાતે રથનું ઉષ્માભર્યું સ્વાગત કરવામાં આવ્યું હતું. આ કાર્યક્રમમાં સ્ટેટ બેન્ક ઓફ ઈન્ડિયા ના ચીફ જનરલ મેનેજર શ્રી ક્ષિતિજ મોહન દ્વારા પ્રધાનમંત્રી જન ધન યોજનાનો લાભ લેવા ગ્રામજનોને જણાવેલ તથા પ્રઘાનમંત્રી સુરક્ષા વીમા યોજના,પ્રઘાનમંત્રી જીવન જયોતિ વીમા યોજના, અટલ પેન્શન યોજના, પીએમ સ્વનિધિ, મુદ્રા લોન વિશે વિસ્તૃત માહિતી આપવામાં આવી હતી.

આ પ્રસંગે માણસા ધારાસભ્ય શ્રી જે એસ પટેલ, સ્ટેટ બેન્ક ઓફ ઈન્ડિયા ના ચીફ જનરલ મેનેજર શ્રી ક્ષિતિજ મોહન, ડેપ્યુટી જનરલ મેનેજર સુશ્રી રાજશ્રી દેશપાંડે, પૂર્વ ગૃહ રાજ્ય મંત્રી શ્રી રજનીભાઇ પટેલ, જિલ્લા પંચાયત પ્રમુખ શ્રીમતી શિલ્પાબેન પટેલ, તાલુકા પંચાયત પ્રમુખ શ્રી પ્રિયંકાબેન પટેલ તથા ભાજપ ના વિવિધ પદાધિકારીશ્રીઓ ઉપસ્થિત રહ્યા હતા.