(જી.એન.એસ),તા.૧૩
ભારતીય ક્રિકેટ ટીમના વર્તમાન કોચ રાહુલ દ્રવિડ તેમની શાનદાર બેટિંગ માટે જાણીતા હતા. હવે દ્રવિડના બંને પુત્રો પણ તેમના પગલે જ ચાલી રહ્યા છે. દ્રવિડે પોતાની દમદારમાં કારકિર્દીમાં અનેક સિદ્ધિઓ હાંસલ કરી છે, પરંતુ રાહુલનો મોટો દીકરો તેમનાથી અલગ જ રીતે આગળ વધી રહ્યો છે. રાહુલના મોટા પુત્રનું નામ સમિત છે અને તે બેટિંગની સાથે સારી બોલિંગ પણ કરી શકે છે. હાલમાં તે કર્ણાટકની અંડર-19 ટીમનો ભાગ છે અને કૂચ બિહાર ટ્રોફીમાં ભાગ લઈ રહ્યો છે. તેની ટીમ મુંબઈ સામે ફાઈનલ રમી રહી છે. આ મેચનો સમિતનો એક વીડિયો વાયરલ થયો છે. જેમાં તે બોલિંગ કરી રહ્યો છે. આ મેચ કર્ણાટક સ્ટેટ ક્રિકેટ એસોસિએશન નવુલે સ્ટેડિયમમાં રમાઈ રહી છે જેમાં મુંબઈની ટીમ પ્રથમ બેટિંગ કરી રહી છે. કર્ણાટકની કપ્તાની ધીરજ ગૌડા કરી રહ્યા છે. આ મેચમાં તેઓએ ટોસ જીતીને પહેલા બોલિંગ કરવાનો નિર્ણય લીધો છે.
ધીરજે પહેલી ઓવર સમર્થને આપી અને ત્યાર બાદ સમિતે બીજી ઓવર બીજા છેડેથી નાખી. સમિત ઝડપી બોલિંગ કરે છે અને નવા બોલને હેન્ડલ કરે છે. સમિતની બોલિંગનો એક વીડિયો સોશિયલ મીડિયા પર વાયરલ થઈ રહ્યો છે. તે ઈનિંગ્સની આઠમી ઓવર ફેંકી રહ્યો છે. સમિતનો રનઅપ શાનદાર છે. સમિતે 10 ઓવર ફેંકી ત્યાં સુધીમાં તેણે કોઈ વિકેટ લીધી ન હતી અને તેણે 41 રન આપ્યા હતા. આ પહેલા સમિતની બેટિંગનો એક વીડિયો વાયરલ થયો હતો જેમાં તેની શાનદાર ક્લાસ અને ટેકનિક જોવા મળી રહી હતી. ત્યારે પણ સમિતના ખૂબ વખાણ થયા હતા અને હવે પણ તેની ખૂબ પ્રશંસા થઈ રહી છે. સમિતના પિતા અને હાલમાં ટીમ ઈન્ડિયાના કોચ રાહુલ દ્રવિડે પોતાના પુત્ર વિશે એક મોટી વાત કહી છે. મોહાલીમાં ભારત અને અફઘાનિસ્તાન વચ્ચે રમાયેલી પ્રથમ T20 મેચ બાદ રાહુલે કહ્યું કે તે તેના પુત્રને કોચિંગ નથી આપતો. તે સમિતને કોચ બનાવવાનો પ્રયાસ કરતો નથી. માતા-પિતા બનવું અને કોચ બનવું બંને ખૂબ મુશ્કેલ છે. તે માત્ર પિતા બનવાનો પ્રયાસ કરી રહ્યો છે.
This content is restricted to site members. If you are an existing user, please log in. New users may register below.
