તૃપ્તિ ડિમરી જે ઈન્ટરનેટ પર હાલ ટ્રેન્ડમાં છે પરંતુ શરૂઆતી કરિયર એટલું સરળ રહ્યું નહોતું

તૃપ્તિ ડિમરીને બોલિવુડમાં આવવા ઘણું બધું વેઠવું પડ્યું હતું

(જી.એન.એસ),તા.૧૨

રણબીર કપૂરની ફિલ્મ ‘એનિમલ’ એ બોક્સ ઓફિસ પર એવી ધૂમ મચાવી છે, તે અટકવાનું નામ નથી લઈ રહી. 1લી ડિસેમ્બરે રિલીઝ થયેલી આ ફિલ્મને ઓડિયન્સનો 10મા દિવસે પણ શાનદાર રિસપોન્સ મળી રહ્યો છે. તમને જણાવી દઈએ કે વર્લ્ડ વાઈડ રણબીરની ફિલ્મે 700 કરોડ રૂપિયાથી વધુનો બિઝનેસ કર્યો છે. જ્યાં એક દિવસ પહેલા જ તેને પોતાની ફિલ્મ ‘સંજુ’ને રેકોર્ડના મામલે પાછળ છોડી દીધી હતી. એનિમલે સની દેઓલ અને શાહરૂખ ખાનની ફિલ્મોના ઘણા રેકોર્ડ તોડી નાખ્યા છે, જેમની ફિલ્મે આ વર્ષે ધૂમ મચાવી હતી. પરંતુ ફિલ્મમાં રશ્મિકા મંદાનાની સ્ટાઈલ બધાને પસંદ આવી છે, ત્યારે એનિમલની ‘ભાભી-2’ પણ ઈન્ટરનેટ પર ટ્રેન્ડ થઈ રહી છે..

રણબીર કપૂર સાથે રોમેન્ટિક સીન્સ આપીને ચર્ચામાં આવેલી તૃપ્તિ ડિમરીની શરૂઆતી કરિયર સરળ રહ્યું નથી. એનિમલના પ્રમોશન દરમિયાન એક્ટ્રેસે તેના સ્ટ્રગલના દિવસોને યાદ કર્યા અને ખુલાસો કર્યો કે તેને બોલિવુડમાં પ્રવેશવા માટે તેના પરિવારની નારાજગીનો સામનો કરવો પડ્યો હતો. એનિમલ ફિલ્મમાં ધૂમ મચાવનાર તૃપ્તિ ડિમરી અગાઉ પણ તેની એક્ટિંગને કારણે ચર્ચામાં રહી છે. એક્ટ્રેસ ‘કલા’, ‘બુલબુલ’ અને ‘લૈલા મજનુ’ સહિત ઘણી ફિલ્મોમાં જોવા મળી છે. 2017માં ‘પોસ્ટર બોય્ઝ’થી બોલિવુડમાં એન્ટ્રી કરનાર તૃપ્તિ ડિમરીએ હાલમાં જ કહ્યું હતું કે જ્યારે તેણે બોલિવુડમાં આવવાનું નક્કી કર્યું ત્યારે તેની પાસે બિલકુલ પૈસા ન હતા. જ્યારે એક્ટ્રેસે તેના મુંબઈ શિફ્ટ થવા વિશે તેના ઘરે કહ્યું, ત્યારે તેનો પરિવાર પણ તેની વિરુદ્ધ થઈ ગયો..

ઈન્ટરવ્યુ દરમિયાન તૃપ્તિ ડિમરીએ કહ્યું કે, એક્ટર્સને કામ મળ્યા પછી પણ ઘણી ધીરજની જરૂર હોય છે. પરંતુ તેના કરિયર માટે તૃપ્તિ ડિમરીએ ઘર છોડીને મુંબઈ આવવાનું નક્કી કર્યું હતું. પરિવાર વિરુદ્ધ જઈ મુંબઈ આવ્યા બાદ પણ જ્યારે તેને પૈસાની જરૂર હતી ત્યારે પણ એક્ટ્રેસે ક્યારેય ઘરે ફોન કરીને પૈસા માંગ્યા નથી. એક્ટ્રેસના કહેવા પ્રમાણે આ દરમિયાન માત્ર તેની બહેન અને તેના મિત્રો જ તેની સાથે ઉભા હતા. તમને જણાવી દઈએ કે એનિમલ આજકાલ સૌથી હોટ ટોપિક બની ગયો છે. જ્યાં જુઓ ત્યાં આ ફિલ્મની જ ચર્ચા છે. પરંતુ ફિલ્મમાં પોતાના લુક્સ, એક્ટિંગ અને રોલ માટે ફેમસ તૃપ્તિ ડિમરીની કેટલીક અનસીન તસવીરો પણ ચર્ચામાં રહી છે. જેમાં તે વિકી કૌશલ સાથે રોમેન્ટિક સીન શૂટ કરતી જોવા મળી રહી છે. તૃપ્તિ ડિમરી અને વિકી કૌશલની ફિલ્મ ટૂંક સમયમાં આવવાની છે. આ ફિલ્મનું શૂટિંગ પણ પૂર્ણ થઈ ગયું છે.