પાકિસ્તાનના ખૈબર પખ્તુનખ્વામાં આતંકવાદીઓ અને પાકિસ્તાની સુરક્ષા દળોની અથડામણ

(GNS),27

પાકિસ્તાની સુરક્ષા દળોએ રવિવારે ખૈબર પખ્તુનખ્વા પ્રાંતના દક્ષિણ વઝીરિસ્તાન જિલ્લામાં ગુપ્તચર ઓપરેશન દરમિયાન આઠ આતંકવાદીઓને ઠાર કર્યા હતા. સેનાના જણાવ્યા અનુસાર, ઇન્ટર-સર્વિસ પબ્લિક રિલેશન્સ (ISPR)એ જણાવ્યું હતું કે સુરક્ષા દળોએ ખૈબર પખ્તુનખ્વાના દક્ષિણ વજીરિસ્તાન જિલ્લામાં એક ગુપ્ત ઓપરેશન દરમિયાન આઠ આતંકવાદીઓને ઠાર માર્યા હતા..

આતંકવાદીઓની હાજરીની માહિતીના આધારે, જિલ્લાના સરરોઘા વિસ્તારમાં એક ગુપ્તચર ઓપરેશન (IBO) હાથ ધરવામાં આવ્યું હતું. ઓપરેશન દરમિયાન સૈનિકો અને આતંકવાદીઓ વચ્ચે ભીષણ ગોળીબાર થયો હતો. ISPRએ જણાવ્યું કે આ ઓપરેશનમાં આઠ આતંકવાદીઓ માર્યા ગયા..

મીડિયા અહેવાલો અનુસાર, માર્યા ગયેલા આતંકવાદીઓ સુરક્ષા દળો તેમજ નિર્દોષ નાગરિકો વિરુદ્ધ ઘણી આતંકવાદી પ્રવૃત્તિઓમાં સક્રિય રીતે સામેલ હતા. તેમની પાસેથી હથિયારો, દારૂગોળો અને વિસ્ફોટકો પણ મળી આવ્યા હતા. તેમાં કહેવામાં આવ્યું છે કે આ વિસ્તારમાં અન્ય આતંકવાદીઓને ખતમ કરવા માટે એક ઓપરેશન ચાલી રહ્યું છે કારણ કે સુરક્ષા દળો દેશમાંથી આતંકવાદના ખતરાનો ખાત્મો કરવા પ્રતિબદ્ધ છે.