(જી.એન.એસ),તા.૧૩
છેલ્લા 1 મહિનાથી ઈઝરાયેલ અને હમાસની વચ્ચે યુદ્ધ ચાલી રહ્યું છે. ઈઝરાયેલના હુમલાથી ગાઝા પુરી રીતે નષ્ટ અને બરબાદ થઈ ચૂક્યુ છે. તેની વચ્ચે સંયૂક્ત રાષ્ટ્રમાં એક મહત્વનો પ્રસ્તાવ પાસ થયો, જે પેલેસ્ટાઈનમાં ઈઝરાયલી વસાહતોની સ્થાપના વિરુદ્ધ હતો. ભારતે યૂએનમાં આ પ્રસ્તાવના પક્ષમાં મતદાન કર્યુ અને ઈઝરાયેલ વિરૂદ્ધ સ્ટેન્ડ લીધુ છે. 9 નવેમ્બરના રોજ યુએનમાં પૂર્વ જેરુસલેમ અને કબજા હેઠળના સીરિયન ગોલાન વિસ્તાર સહિત પેલેસ્ટિનિયન પ્રદેશોમાં ઈઝરાયેલ દ્વારા બાંધવામાં આવી રહેલી વસાહતો અંગે ઠરાવ લાવવામાં આવ્યો હતો.
ભારત સહિત દુનિયાના 145 દેશોએ યૂએનના પ્રસ્તાવના પક્ષમાં મતદાન કરીને એક જ અવાજમાં ઈઝરાયેલના આ પગલાનો વિરોધ કર્યો તો 7 દેશ ઈઝરાયેલની સાથે ઉભા રહ્યા. પ્રસ્તાવના પક્ષમાં ઈઝરાયેલ, માર્શલ દ્વીપ, કેનેડા, હંગરી, માઈક્રોનેશિયાના સંઘીય રાજ્ય, નાઉરૂ અને અમેરિકાએ મતદાન કર્યુ. ત્યારે 18 દેશ મતદાનમાં હાજર રહ્યા નહીં. સંયૂક્ત રાષ્ટ્રમાં લાવવામાં આવેલા પ્રસ્તાવમાં પૂર્વ જેરુસલેમ અને કબજા હેઠળના સીરિયન ગોલાન સહિત કબ્જાવાળા પેલેસ્ટાઈન વિસ્તારમાં ઈઝરાયેલી વસાહતો હતી. તેને મોટા બહૂમત સાથે પાસ કરવામાં આવ્યો હતો. ભારતે પ્રથમ વખત ઈઝરાયેલની જગ્યાએ પેલેસ્ટાઈનના પક્ષમાં મતદાન કર્યુ છે. ભારતે આ બદલાયેલા સ્ટેન્ડને લઈને વિપક્ષી નેતાઓ પણ તેના વખાણ કરી રહ્યા છે.
સંયૂક્ત રાષ્ટ્રમાં પ્રસ્તાવ પર મતદાનની તસ્વીર ટ્વીટર પર શેયર કરતા ટીએમસી સાંસદ સાકેત ગોખલેએ ભારતના આ પગલાની સરાહના કરી. તેમને લખ્યું કે ખુબ જ ખુશી છે કે ભારતે પ્રસ્તાવના પક્ષમાં મતદાન કર્યુ. વસાહતીઓ દ્વારા પેલેસ્ટાઈન પર ઈઝરાયેલનો કબજો કાયદેસર નથી. ત્યારે સાકેત ગોખલેએ કહ્યું કે ઈઝરાયેલનો રંગભેદ હવે ખતમ થવો જોઈએ. જણાવી દઈએ કે ગયા મહિને સંયૂક્ત રાષ્ટ્ર મહાસભામાં જોર્ડન દ્વારા રજૂ કરવામાં આવેલા એક પ્રસ્તાવ પર ભારત મતદાન કરવાથી દૂર રહ્યું હતું. યૂએનમાં લાવવામાં આવેલા આ પ્રસ્તાવમાં ઈઝરાયેલ-હમાસ જંગમાં તાત્કાલિક માનવીય સંઘર્ષ વિરામનું આહ્વાન કરવામાં આવ્યું હતું. ભારતે મતદાન કર્યુ નહતુ, કારણ કે આ પ્રસ્તાવમાં હમાસનો કોઈ ઉલ્લેખ કરવામાં આવ્યો નહતો.
This content is restricted to site members. If you are an existing user, please log in. New users may register below.
